গুলাম নবী আজাদৰ নতুন ‘কাশ্মীৰ ফাইল’! ‘হিন্দুৰ পৰা ধৰ্মান্তৰিত হৈয়ে ভাৰতলৈ আহিছিল মুছলমান’
প্ৰাক্তন কংগ্ৰেছ নেতা গুলাম নবী আজাদৰ এটা ভিডিঅ’ ছ’চিয়েল মিডিয়াত প্ৰচাৰিত হৈছে। ভাৰতৰ ইতিহাসত হিন্দু বা মুছলমান ধৰ্মৰ ধাৰাবাহিকতাৰ ওপৰত তেওঁ তাত আলোকপাত কৰিছে। বহুতৰ মতে প্ৰাক্তন কংগ্ৰেছ নেতাগৰাকীৰ কণ্ঠৰ সুৰ প্ৰায় বিজেপি আৰু আৰএছএছৰ দৰেই। তেওঁৰ মতে সকলোৱে এই দেশত হিন্দু হিচাপেই জন্ম লৈছিল।
তেওঁ কয় যে ইছলাম ১৫০০ বছৰ আগতেই আহিছিল। কিন্তু হিন্দু ধৰ্ম অধিক প্ৰাচীন। কিছুমান মুছলমান হয়তো বাহিৰৰ পৰা আহি মোগল সেনাবাহিনীত সেৱা আগবঢ়াইছিল। তাৰ পিছত বহুতে হিন্দু ধৰ্মৰ পৰা মুছলমানলৈ ধৰ্মান্তৰিত হ’ল।
লগতে পঢ়ক: শিশুৰ কাৰণে দূৰদৰ্শনৰ পৰ্দা একেলেঠাৰিয়ে কিমান দেৰি চাই থকাটো স্বাস্থ্য সন্মত?
ভিডিঅ’টোত তেওঁ কোৱা শুনা যায় যে কাশ্মীৰত এটা স্পষ্ট ছবি দেখা গৈছে। ৬০০ বছৰ আগতে মূলতঃ কাশ্মীৰী পণ্ডিত আছিল। পিছলৈ বহুতে ইছলাম ধৰ্ম গ্ৰহণ কৰে। এই দৃষ্টিকোণৰ পৰা মই অনুভৱ কৰোঁ যে সকলো মূলতঃ হিন্দু ধৰ্মৰ ভিতৰত আছিল। কিন্তু এইটো মানি ল’ব লাগিব যে হিন্দু, মুছলমান, ৰাজপুত, ব্ৰাহ্মণ, দলিত, কাশ্মীৰী বা গুজ্জাৰ আমি সকলোৱে এই ভূমিৰ অংশ। আমাৰ শিপা এই মাটিতে আছে। এই ভূমিলৈ আমি বাৰে বাৰে উভতি আহিম।
তাৎপৰ্যপূৰ্ণভাৱে, গুলাম নবী আজাদৰ যেন নতুন কাশ্মীৰৰ ফাইল। তেওঁৰ মতে কাশ্মীৰী পণ্ডিতৰ এটা অংশই ইছলাম ধৰ্ম গ্ৰহণ কৰিছিল। সকলোৱেই জন্মসূত্ৰে হিন্দু ধৰ্মৰ পৰা আহিছে।
Former Congress leader Ghulam Nabi Azad-
Hindu Religion is much older than Islam in India. Muslims in our country are because of Conversion from Hindus and in Kashmir all Muslims were converted from Kashmiri Pandits. Everybody is born in Hindu Dharma only. pic.twitter.com/trWqUyFzrs
— Megh Updates 🚨™ (@MeghUpdates) August 16, 2023
স্বাভাৱিকতে দেশৰ ৰাজনীতিত তোলপাৰ লগাইছে গোলাম নবী আজাদৰ এই বক্তব্যই। বিগত দিনত তেওঁ কংগ্ৰেছ নেতা হিচাপে পৰিচিত আছিল। অৱশ্যে যোৱা বছৰৰ আগষ্ট মাহত তেওঁ কংগ্ৰেছ ত্যাগ কৰিছিল। কিন্তু দলত থকাৰ সময়তো তেওঁ বাৰে বাৰে শাসকীয় কংগ্ৰেছ গোটৰ বিৰুদ্ধে মাত মাতিছিল। কিন্তু এইবাৰ তেওঁৰ মাতত আহিছে বেলেগ এটা সুৰ। সন্মুখত আছে লোকসভা নিৰ্বাচন। তাৰ আগতে তেওঁৰ বক্তব্যক কেন্দ্ৰ কৰি সৃষ্টি হৈছে বিভিন্ন জল্পনা-কল্পনা।