আগষ্টত ১৭ দিন বন্ধ থাকিব বেংক! চাওক বন্ধৰ সম্পূৰ্ণ তালিকা

আগষ্ট মাহত যদি বেংকত যাবলগীয়া কাম আছে তেন্তে বন্ধৰ তালিকাখন এবাৰ চাই লওক।

আগষ্ট মাহত মুঠ ১৭দিনৰ বাবে বন্ধ থাকিব বেংকৰ কামকাজ।

মাহটোৰ প্ৰথম দিনটোতে অৰ্থাৎ ১ আগষ্টত ঈদৰ বাবে দেশৰ বেছিভাগ অংশতেই বেংক বন্ধ থাকিব।

সাপ্তাহিক ছুটীৰ দিন হোৱাৰ বাবে ২আগষ্ট দেওবাৰে বেংক বন্ধ থাকিব। সেইদৰে ৩ আগষ্টত ৰাখীবন্ধনৰ বাবে দেশৰ কিছুমান অংশত বেংকৰ কামকাজ বন্ধ থাকিব।

চাবলৈ গ’লে মাহটোৰ আৰম্ভণিৰ প্ৰথম তিনিদিনলৈ বেংক বন্ধ থাকিব।

ইয়াৰ পাছতে ৮আগষ্ট মাহটোৰ দ্বিতীয়টো শনিবাৰ হোৱাৰ বাবে বেংকৰ সাপ্তাহিক ছুটীৰ দিন। সেইদৰে ৯ আগষ্ট দেওবাৰে বেংক বন্ধ থাকিব।

১১ আৰু ১২ আগষ্টত দেশৰ বিভিন্ন প্ৰান্তত শ্ৰীকৃষ্ণৰ জন্মাষ্টমী উৎসৱ পালন কৰিব। এই উপলক্ষে বেংক বন্ধ থাকিব। ১৩আগষ্টত পেট্ৰিয়ট ডে’ৰ বাবে ইম্ফল মণ্ডলত বেংক বন্ধ থাকিব।

১৫আগষ্টত দেশৰ স্বাধীনতা দিৱস উপলক্ষে ৰাষ্ট্ৰীয় বন্ধৰ দিন। ইপিনে, ১৬ আগষ্ট দেওবাৰে বেংক বন্ধ থাকিব।

সেইদৰে ১৫আৰু ১৬আগষ্ট একেৰাহে দুদিন বেংক বন্ধ থাকিব।

২০ আগষ্টত শ্ৰীমন্ত শংকৰদেৱৰ তিথি আৰু ২১ আগষ্টত হৰতালিকা তীজ উপলক্ষে কিছুমান ৰাজ্যত বেংক বন্ধ থাকিব।

সেইদৰে, ২২আগষ্টত গণেশ চতুৰ্থীৰ বাবে দেশৰ বেছিভাগ অংশতে বেংক বন্ধ থাকিব। ইপিনে, ২৩ আগষ্ট দেওবাৰ হোৱাত বেংক বন্ধ থাকিব।

আনহাতে, ২৯ আগষ্ট মাহটোৰ চতুৰ্থ শনিবাৰ হোৱা বাবে বেংকৰ সাপ্তাহিক ছুটীৰ দিন আৰু ৩০আগষ্ট দেওবাৰ হোৱা বাবে বেংক বন্ধ থাকিব।