India’s Sex Ratio প্ৰথমবাৰৰ বাবে ভাৰতত পুৰুষতকৈ অধিক হ’ল মহিলাৰ সংখ্যা: সমীক্ষা

India’s Sex Ratio প্ৰথমবাৰৰ বাবে ভাৰতত পুৰুষতকৈ বৃদ্ধি পালে মহিলাৰ সংখ্যা। ৰাষ্ট্ৰীয় পৰিয়াল আৰু স্বাস্থ্য সমীক্ষাত পোহৰলৈ আহিছে এই তথ্য। এই সমীক্ষা অনুসৰি দেশত প্ৰতি ১,০০০গৰাকী পুৰুষৰ বিপৰীতে মহিলাৰ সংখ্যা হৈছে ১,০২০গৰাকী।

বুধবাৰে ৰাষ্ট্ৰীয় পৰিয়াল আৰু স্বাস্থ্য সমীক্ষাৰ পঞ্চম পৰ্যায়ৰ তথ্য প্ৰকাশ পাইছে।

তথ্য অনুসৰি, ১৯৯০ চনত ভাৰতত প্ৰতি ১০০০গৰাকী পুৰুষৰ বিপৰীতে মহিলাৰ সংখ্যা আছিল ৯২৭গৰাকী। ২০০৫-০৬ চনত ৰাষ্ট্ৰীয় পৰিয়াল আৰু স্বাস্থ্য সমীক্ষাত পুৰুষ আৰু মহিলাৰ সংখ্যা আছিল সমান অৰ্থাৎ প্ৰতি ১০০০গৰাকী ৰুষৰ বিপৰীতে মহিলাৰ সংখ্যা আছিল ১০০০গৰাকী।

Also Read: ‘বেলেগৰ ইজ্জত লৈ আজি তেওঁ সাংসদ হৈছে, টকা-প‌ইচা গোটাইছে’; কোনে কাক উদ্দেশ্যি ক’লে এই কথা?

ইয়াৰ পাছত ২০১৫-১৬ চনৰ ৰাষ্ট্ৰীয় পৰিয়াল আৰু স্বাস্থ্য সমীক্ষাত সেয়া হ্ৰাস পাই প্ৰতি ১০০০গৰাকী পুৰুষৰ বিপৰীতে মহিলাৰ সংখ্যা হৈছিল ৯৯১গৰাকী।

কিন্তু এইবাৰ পুৰুষক অতিক্ৰমি আগবাঢ়িছে মহিলা। ৰাষ্ট্ৰীয় পৰিয়াল আৰু স্বাস্থ্য সমীক্ষাত প্ৰথমবাৰৰ বাবে পুৰুষৰ তুলনাত মহিলাৰ সংখ্যা বৃদ্ধি পোৱা দেখা গৈছে।

২০১৯ৰ পৰা ২০২১ৰ ভিতৰত চলোৱা ‘চেম্প’ল চাৰ্ভে’ৰ সমী৭আত পোহৰলৈ আহিছে এই তথ্য।দেশৰ ৭০৭খন জিলাৰ ৬৫০,০০০টা পৰিয়ালত চলোৱা হৈছিল এই সমীক্ষা।  

Also Read: আম্বানীক পিছলৈ ঠেলি দেশ তথা এছিয়াৰে আটাইতকৈ ধনৱন্ত ব্যক্তিলৈ পৰিণত আদানী

দ্বিতীয় পৰ্যায়ত অৰুণাচল প্ৰদেশ, চণ্ডীগড়, ছত্তীশগড়, হাৰিয়ানা, ঝাৰখণ্ড, মধ্যপ্ৰদেশ, দিল্লী, উৰিষ্যা, পুদুচেৰী, পঞ্জাৱ, ৰাজস্থান, তামিলনাডু, উত্তৰাখম্ড আৰু উত্তৰ প্ৰদেশত এই সমীক্ষা চলোৱা হৈছিল।

অৱশ্যে বৃহত্তৰ জনসংখ্যাৰ ক্ষেত্ৰত এই তথ্য প্ৰযোজ্য হ’ব নে নাই সেয়া লোকপিয়লৰ পাছতহে স্পষ্ট হ’ব।