বৰ্ণিল কেৰিয়াৰৰ অন্ত পেলাই ফুটবলৰ জগতৰ পৰা অৱসৰ ল’লে ভাৰতৰ ‘স্পাইডাৰমেন’ সুব্ৰত পালে 

ভাৰতীয় ফুটবলৰ এটা যুগৰ অন্ত পৰিল। অৱসৰ ল’লে গ’লৰক্ষক সুব্ৰত পালে। বাইচুং ভুটিয়াৰ পৰা আৰম্ভ কৰি সুনীল ছেত্ৰীলৈকে সকলোৰে লগত কান্ধ মিলাই খেলিছিল পালে। বয়সৰ বাবে কেইবাবাৰো ভাৰতীয় দলত খেলাৰ সুযোগ পোৱা নাছিল সুব্ৰত পালে।

শুকুৰবাৰে ফুটবল ফেডাৰেচনৰ এক্স হেণ্ডলৰ পৰা এই কথা জানিব পৰা গৈছে। 

সুব্ৰত পালে ভাৰতৰ হৈ বিভিন্ন বয়সৰ গোটত খেলিছিল। ২৩ বছৰ অনুৰ্ধৰ পৰা ছিনিয়ৰ দলতো খেলিছিল পালে। সুব্ৰত পালে ২০০৭ চনত নেহৰু কাপ, ২০০৮ চনত এ এফ চি চেলেঞ্জ কাপ, ২০০৯ চনত নেহৰু কাপ, ২০১১ চনত  এ এফ চি এছিয়ান কাপ, ২০১৪ চনত বিশ্বকাপ কোৱালিফায়াৰ আৰু ২০১৮ চনত বিশ্বকাপ কোৱালিফায়াৰত দেশৰ হৈ খেলিছিল।

দলৰ হৈ সুব্ৰত পালে মুঠ ৬৭খন খেল খেলিছিল। সুব্ৰত পালে আই লীগ, আই এছ এলতো খেলিছিল। 

𝐓𝐡𝐚𝐧𝐤 𝐘𝐨𝐮 𝐒𝐩𝐢𝐝𝐞𝐫𝐦𝐚𝐧 🕸️ 🙏#BlueTigers 🐯 custodian @THESUBRATAPAUL hangs up his gloves 🧤 today 🤝#BackTheBlue 💙 #IndianFootball ⚽ pic.twitter.com/aMfsxXgtpT

— Indian Football Team (@IndianFootball) December 8, 2023

মোহন বাগানে শেষবাৰৰ বাবে ২০২১-২২ চনত  ছিজনত সুব্ৰত পালক পূব বংগৰ হৈ খেলিবলৈ নিছিল। ক্লাৱ কেৰিয়াৰত মোহন বাগানৰ পৰা উত্থান ঘটিছিল সুব্ৰত পালৰ। 

অৱসৰৰ পিছত সুব্ৰতে কি কৰিব সেয়া এতিয়াও স্পষ্ট হোৱা নাই। হয়তো তেওঁ নিজৰ একাডেমীক অধিক গুৰুত্ব দিব পাৰে।