ভাৰতৰ আক্ৰমণত নিহত জঈছ-ঈ-মহম্মদৰ মুৰব্বী মাছুদ আজহাৰৰ সম্পূৰ্ণ পৰিয়াল

বুধবাৰে পুৱা পাকিস্তানৰ ৯ টাকৈ সন্ত্ৰাসবাদী ঘাটিত ভাৰতীয় বায়ুসেনাই ২৪ টা মিছাইল বৰ্ষণেৰে পেহেলগাম কাণ্ডৰ প্ৰতিশোধ লয়।

ভাৰতীয় সেনাই ‘অপাৰেশ্যন সিন্দুৰ’ নামেৰে নামকৰণ কৰা এই আক্ৰমণত ইতিমধ্যে ৯০ টাৰো অধিক সন্ত্ৰাসবাদী নিহত হোৱাৰ খবৰ পোৱা গৈছে।

এই আক্ৰমণত জঈছ-ঈ-মহম্মদৰ মুৰব্বী মাছুদ আজহাৰৰ সম্পূৰ্ণ পৰিয়াল নিহত হোৱা বুলি জানব পৰা গৈছে।

সন্ত্রাসবাদীটোৰ পৰিয়ালৰ মুঠ ১৪ গৰাকী সদস্যই ভাৰতীয় সেনাৰ আক্ৰমণত মৃত্যু হৈছে।  আক্রমণত মাছুদ আজহাৰৰ পত্নী, পুত্ৰ, আৰু ভাতৃৰ মৃত্যু  হৈছে।

উল্লেখ্য যে আজহাৰৰ ভাতৃ ৰৌফ আজহাৰো দুধৰ্ষ সন্ত্ৰাসবাদী।

প্ৰকাশিত তথ্য অনুসৰি, ২০০১ৰ সংসদ ভৱন আক্রমণেৰে জড়িত আছিল মাছুদ আজহাৰ । ২০০৮ চনৰ মুম্বাই আক্ৰমণৰো মাষ্টাৰমাইণ্ড আছিল মাছুদ আজহাৰ। ২০১৬ৰ পাঠানকোট আক্ৰমণৰৰ বাবেও মাছুদ জগৰীয়া।

২০১৯ৰ পুলৱামা আক্ৰমণো মাছুদ আজহাৰৰ নেতৃত্বতে হৈছিল।উল্লেখ্য যে ২০০০ চনত মাছুদ আজহাৰে গঠন কৰিছিল নৃশংস  সন্ত্রাসবাদী সংগঠন জইছ-ঈ-মহম্মদ।