নতুন জুৰাচিক ৱৰ্ল্ডৰ সন্ধান! হঠাতে আৱিস্কাৰ হ’ল ৭,০০০ দ্বীপ

উপগ্ৰহ প্ৰযুক্তিৰ যুগতো এইটো এটা আচৰিত ঘটনা। হলিউডী চিনেমাৰ দৰে হঠাতে ৭,০০০ দ্বীপৰ সন্ধান পোৱা গৈছে। বাতৰি অনুসৰি, জাপানে এখন নতুন ‘জুৰাচিক ৱৰ্ল্ড’ আৱিস্কাৰ কৰিছে।

বাতৰি অনুসৰি, জাপানে শেহতীয়াকৈ ইয়াৰ ভৌগোলিক এলেকাত ৭,০০০ নতুন দ্বীপ আৱিষ্কাৰ কৰিছে। দেশৰ ভূ-স্থানিক তথ্য কৰ্তৃপক্ষই ডিজিটেল মেপিঙৰ জৰিয়তে এই নতুন দ্বীপসমূহ আৱিষ্কাৰ কৰিছে। ফলস্বৰূপে, জাপানত মুঠ দ্বীপৰ সংখ্যা দুগুণতকৈও অধিক বৃদ্ধি পাই ১৪,১২৫ টা হৈছে।

১৯৮৭ চনত জাপানৰ উপকূলৰক্ষী বাহিনীৰ এক প্ৰতিবেদনত কোৱা হৈছিল যে দেশখনত মুঠ দ্বীপৰ সংখ্যা হৈছে ৬,৮৫২ টা। এতিয়ালৈকে সেই সংখ্যাটোৱে আনুষ্ঠানিকভাৱে স্বীকৃত আছিল।

উল্লেখ্য যে দ্বীপ চিনাক্ত কৰিবলৈ কোনো নিৰ্দিষ্ট আন্তৰ্জাতিক নিয়ম বা চুক্তি নাই। সেয়েহে, নতুন দ্বীপ বিচাৰিবলৈ ৩৫ বছৰ আগৰ পদ্ধতি ব্যৱহাৰ কৰা হৈছে। এই পদ্ধতিত সাগৰত নিম্নতম ১০০ মিটাৰ পৰিধি থকা যিকোনো প্ৰাকৃতিক ভূমিখণ্ডক দ্বীপ হিচাপে স্বীকৃতি দিয়া হয়।

এনেদৰে, জাপানে ৭,০০০ নতুন দ্বীপ আৱিষ্কাৰ কৰিছে। ধাৰণা কৰা হৈছে যে মানুহে এতিয়াও এই দ্বীপবোৰত ভৰি দিয়া নাই। তাত নতুন প্ৰকাৰৰ জীৱ-জন্তু বা আদিম মানুহ বিচাৰি পোৱাৰ সম্ভাৱনা নুই কৰিব নোৱাৰি।

ইপিনে, ভৌগোলিক সীমাৰ এই বৃদ্ধিয়ে জাপানৰ বাবে নতুন সমস্যাৰ সৃষ্টি কৰিছে। ইতিমধ্যে চীন, ৰাছিয়া আৰু দক্ষিণ কোৰিয়াকে ধৰি কেইবাখনো দেশৰ সৈতে টকিঅ’ৰ সীমান্ত বিবাদ আছে।

জাপানে ৰাছিয়াৰ নিয়ন্ত্ৰনাধীন কুৰিল দ্বীপপুঞ্জৰ কিছু অংশনিজৰ বুলি দাবী কৰে। বিতৰ্কিত চেংকাকু দ্বীপপুঞ্জক লৈ চীনৰ সৈতে জাপানৰ বিবাদ আছে। যোৱা বছৰ দুখন চীনা যুদ্ধজাহাজ দ্বীপসমূহত প্ৰৱেশ কৰিছিল। ফলস্বৰূপে, দুয়োখন দেশৰ মাজত পৰিস্থিতি অধিক জটিল হৈ পৰিছে।