আদালতৰ ৰোষত অভিনেতা ছনু সূদ! জামিন বিহীন গ্ৰেপ্তাৰী পৰোৱানা জাৰি

পঞ্জাৱৰ লুধিয়ানাৰ আদালতে বলীউডৰ অভিনেতা ছনু সূদৰ বিৰুদ্ধে জালিয়াতিৰ অভিযোগ উত্থাপন কৰি গ্ৰেপ্তাৰৰ পৰোৱানা জাৰি কৰা হৈছে। এই ৱাৰেণ্ট জাৰি কৰিছে লুধিয়ানাৰ ন্যায়িক দণ্ডাধীশ ৰমনপ্ৰীত কৌৰে।

লুধিয়ানাৰ এজন অধিবক্তা ৰাজেশ খান্নাই ১০ লাখ টকাৰ কথিত জালিয়াতিৰ সৈতে জড়িত এই গোচৰটো দাখিল কৰে। তেওঁ অভিযোগ কৰে যে মূল অভিযুক্ত মোহিত শুক্লাই তেওঁক এটা ভুৱা ৰিজিকা মুদ্ৰাত বিনিয়োগ কৰিবলৈ প্ৰলোভিত কৰিছিল। আদালতে এই গোচৰত সাক্ষ্য দিবলৈ ছনু সূদক চমন কৰিছিল যদিও অভিনেতাজন চমন অনুসৰি অনুপস্থিত থাকে।

ইয়াৰ ফলত লুধিয়ানাৰ ন্যায়িক দণ্ডাধীশ ৰমনপ্ৰীত কৌৰে এই ৱাৰেণ্ট জাৰি কৰে।

ইয়াৰ নিৰ্দেশত লুধিয়ানা আদালতে মুম্বাইৰ আন্ধেৰী পশ্চিমৰ অশিৱাৰা থানাৰ ভাৰপ্ৰাপ্ত বিষয়াক ছনু সূদক গ্ৰেপ্তাৰ কৰিবলৈ নিৰ্দেশ দিয়ে।