কেন্দ্ৰ আৰু ৰাজ্য চৰকাৰৰ বিৰুদ্ধে উচ্চতম ন্যায়ালয়ৰ দ্বাৰস্থ মণিপুৰৰ দুই নিৰ্যাতিতা; আজি শুনানি
মণিপুৰৰ দুগৰাকী নিৰ্যাতিতা মহিলাই কেন্দ্ৰ আৰু মণিপুৰৰ ৰাজ্য চৰকাৰৰ বিৰুদ্ধে উচ্চতম ন্যায়ালয়ত আবেদন জনাইছে। সোমবাৰে এই আবেদনৰ শুনানি গ্ৰহণ কৰা হ’ব।
শেহতীয়াকৈ ভাইৰেল হোৱা এটা ভিডিঅ’ত মৃত্যুৰ ভাবুকি দি ৰাজহুৱা স্থানত উলংগ হৈ খোজ কঢ়োৱা মহিলাসকলে এই ঘটনাৰ ন্যায্য আৰু নিৰপেক্ষ তদন্তৰ বাবে উচ্চতম ন্যায়ালয়ত আবেদন জনাইছে।
লগতে পঢ়ক: ‘যুদ্ধ এতিয়া ৰাছিয়াত প্ৰৱেশ কৰিছে’; মস্কোত ড্ৰ’ন আক্ৰমণৰ পিছত মন্তব্য জেলেনস্কিৰ
তেওঁলোকে লগতে তেওঁলোকৰ পৰিচয় গোপনীয় কৰি ৰাখিবলৈও অনুৰোধ জনায়।
ইপিনে, এই গোচৰৰ শুনানি মণিপুৰৰ পৰিৱৰ্তে অন্য ৰাজ্যলৈ হস্তান্তৰ কৰিবলৈ কেন্দ্ৰই আবেদন জনাইছে। সেই আবেদনৰো উচ্চতম ন্যায়ালয়ত শুনানি গ্ৰহণ কৰা হ’ব।
ইয়াৰ পূৰ্বে উচ্চতম ন্যায়ালয়ে কেন্দ্ৰ আৰু মণিপুৰ চৰকাৰক এই ভাইৰেল ভিডিঅ’টোত ফাদিল হোৱা ঘটনা সন্দৰ্ভত গ্ৰহণ কৰা পদক্ষেপ সন্দৰ্ভত আদালতক অৱগত কৰিবলৈ নিৰ্দেশ দিছিল।
লগতে পঢ়ক: পাকিস্তানত ৰাজনৈতিক সভাত বোমা বিস্ফোৰণত কমেও ৪০ জনৰ মৃত্যু; আহত ১৫০জন
উচ্চতম ন্যায়ালয়ে এই কাণ্ডক ‘সাংবিধানিক অধিকাৰ আৰু মানৱতাৰ উলংঘা’ বুলি অভিহিত কৰিছিল।