মুখ্যমন্ত্ৰী আমাৰ কথাও শুনক! মধ্যাহ্ন ভোজন ৰান্ধনি সন্থাৰ হুংকাৰ

মুখ্যমন্ত্ৰীয়ে যদি আমাৰ দাবী মানি নলয় তেন্তে ১,১৮,৯৯৮ খন স্মাৰক পত্ৰ মুখ্যমন্ত্ৰীলৈ প্ৰেৰণ কৰিম। শিৱসাগৰত আজি প্ৰতিবাদ সাৱ্যস্ত কৰি মধ্যাহ্ন ভোজন ৰান্ধনি সন্থাৰ কৰ্মীসকলে এই হুংকাৰ দিয়ে।

ৰাজ্যজুৰি সদৌ অসম মধ্যাহ্ন ভোজন ৰান্ধনি সন্থাই আজি পালন কৰিছে প্ৰতিবাদী কাৰ্যসূচী।

ৰাজ্যৰ চৰকাৰী বিদ্যালয়ত নিয়োজিত মধ্যাহ্ন ভোজনৰ ৰান্ধনিসকলৰ বিভিন্ন সমস্যা সমাধান আৰু পাঁচমাহ ধৰি অনাদায় হৈ থকা প্ৰাপ্য মজুৰিৰ দাবীত আজি সমগ্ৰ ৰাজ্যৰ লগতে শিৱসাগৰতো এক প্ৰতিবাদী কাৰ্যসূচী গ্ৰহণ কৰা হয়।

শিৱসাগৰ জিলা উপায়ুক্তৰ কাৰ্যালয়ৰ সন্মুখত অৱস্থান ধৰ্মঘট পালন কৰি তীব্ৰ প্ৰতিবাদ সাব্যস্ত কৰে মধ্যাহ্ন ভোজনৰ ৰান্ধনি সকলে।

শেষত প্ৰতিবাদী মধ্যাহ্ন ভোজন ৰান্ধনি সকলে শিৱসাগৰ জিলা উপায়ুক্তক এখন স্মাৰক পত্ৰ প্ৰদান কৰে।