আজি লাচিত দিৱস : সমগ্ৰ ৰাজ্যতে জাতীয় বীৰগৰাকীক সুঁৱৰিবলৈ সাজু অসমবাসী
আজি লাচিত দিৱস। সমগ্ৰ অসমৰ লগতে গুৱাহাটীতো জাতীয় বীৰগৰাকীক সোঁৱৰণৰ ব্যাপক প্ৰস্তুতি কৰা হৈছে। অসম চৰকাৰৰ সাংস্কৃতিক সঞ্চালকালয়ে আজি দিনৰ ১১ বজাত ফাঁচী বজাৰৰ বিপৰীতে ব্ৰহ্মপুত্ৰৰ পাৰত স্থাপন কৰা অসমীয়া বীৰ লাচিত বৰফুকনৰ প্ৰতিমূৰ্তিৰ ওচৰত লাচিত দিৱস উদ্যাপনৰ কাৰ্যসূচী গ্ৰহণ কৰিছে।
উক্ত অনুষ্ঠানত মুখ্য অতিথিৰূপে উপস্থিত থাকিব মুখ্য মন্ত্ৰী সৰ্বানন্দ সোণোৱাল। লগতে উপস্থিত থাকিব শিক্ষা মন্ত্ৰী সিদ্ধাৰ্থ ভট্টাচাৰ্য, সাংস্কৃতিক মন্ত্ৰী নৱ কুমাৰ দলে, গুৱাহাটীৰ সাংসদ বিজয়া চক্ৰৱৰ্তী, মুখ্য মন্ত্ৰীৰ প্ৰেছ উপদেষ্টা হৃষীকেশ গোস্বামী প্ৰমুখ্যে লোকসকল।
শ্ৰীমন্ত শংকৰদেৱ কলাক্ষেত্ৰত লাচিত দিৱস উদ্যাপন কৰিব তাই আহোম যুৱ পৰিষদ, অসম (টাইপা)-এ। আজিৰ অনুষ্ঠানতে ২০১৮ বৰ্ষৰ মহাবীৰ লাচিত বঁটা প্ৰদান কৰা হ’ব এন আৰ চি উন্নীতকৰণত বিশেষ অৱদান আগবঢ়োৱা জাতীয় সচেতক প্ৰদীপ ভূঞালৈ।উক্ত অনুষ্ঠানত মুখ্য মন্ত্ৰী সোণোৱালৰ লগতে মন্ত্ৰী কেশৱ মহন্ত, সিদ্ধাৰ্থ ভট্টাচাৰ্য প্ৰমুখ্যে বিশিষ্ট অতিথিসকল উপস্থিত থাকিব।