ডিব্ৰুগড় অভিমুখে এন ডি আৰ এফ-ৰ বাহিনী, তিব্বতৰ পৰা নামিছে পানীৰ বিধ্বংসী ঢল
তিব্বতত য়াৰলুং চাংপ’ত সৃষ্টি হোৱা কৃত্ৰিম হ্ৰদ। ছবি- চিনহুৱা।
তিব্বতৰ য়াৰলুং চাংপ’ত কৃত্ৰিম বান্ধ ভাগি নামনিৰ দিশে বিধ্বংসী ৰূপত নামি অহা পানীয়ে ৰাতিৰ ভিতৰতে ডিব্ৰুগড় চহৰ বুৰাই পেলোৱাৰ আশংকা কৰি শুকুৰবাৰে ইতিমধ্যে ক’লকাতাৰ পৰা জৰুৰীভাৱে জিলাখনলৈ ৰাওনা হৈছে এন ডি আৰ এফ–ৰ ৬টা দল।
ডিব্ৰুগড়ত উপস্থিত হোৱাৰ পিছতে দল কেইটাই বিপদত পৰিব পৰা জিলা কেইখনত অৱস্থান ল‘ব।
ভয়াৱহ দুৰ্য্যোগৰ আশংকা কৰি মুখ্য মন্ত্ৰী সৰ্বানন্দ সোণোৱালে ধেমাজি, লখিমপুৰ, ডিব্ৰুগড় আৰু তিনিচুকীয়া জিলাৰ প্ৰশাসন, জিলা দুৰ্যোগ প্ৰশমন বিভাগ তথা সংশ্লিষ্ট কৰ্তৃপক্ষসমূহক সষ্টম হৈ থকাৰ বাবে যাৱতীয় নিৰ্দেশ প্ৰেৰণ কৰিছে।
লগতে পঢ়ক— ৰাতিয়ে বুৰ যাব পাৰে ডিব্ৰুগড়, তিব্বতৰ পৰা বিধ্বংসী ৰূপত নামিছে পানীৰ বিশাল ঢল
বৈদেশিক মন্ত্ৰী সুষমা স্বৰাজে মুখ্য মন্ত্ৰী সোণোৱালৰ সৈতে টেলিফোনিক বাৰ্তালাপ কৰিছে বুলিও জনাইছে মুখ্য মন্ত্ৰীৰ কাৰ্য্যালয়ে।