চ’ছিয়েল মিডিয়াত আলোড়ন; মাৰ্কিন সেনা বিষয়াৰ পদত অধিষ্ঠিত এগৰাকী অৰুণাচলী যুৱতী

নিকি লেগ’। অৰুণাচল প্ৰদেশৰ এগৰাকী যুৱতী।

যুৱতী গৰাকী এতিয়া চ’ছিয়েল মিডিয়াৰ চৰ্চাৰ কেন্দ্ৰবিন্দু হৈ পৰিছে।

অৰুণাচলী যুৱতী নিকিয়ে ২০১৯ বৰ্ষৰ জুন মাহত আমেৰিকা সেনা বাহিনীত যোগদান কৰিছিল যদিও শেহতীয়াকৈ আমেৰিকান সেনা বাহিনীৰ ইউনিফৰ্ম পৰিহিত তেওঁৰ ফ’টো চ’ছিয়েল মিডিয়াত ভাইৰেল হোৱাৰ পিছত চৰ্চাৰ কেন্দ্ৰবিন্দু হৈ উঠিছে।

সামাজিক মাধ্যমৰ জনপ্ৰিয় চাইট ফেচবুকৰ প্ৰফাইল পিকচাৰ সলনি কৰি আমেৰিকান সেনা বাহিনীৰ ইউনিফৰ্ম পৰিহিত ফ’টো এখন দিয়ে নিকিয়ে ।

সামাজিক মাধ্যমত তেওঁৰ ফ’টো ভাইৰেল হোৱাৰ লগে লগে নিকিক বিভিন্নজনে টুইটাৰ আৰু ফেচবুকৰ যোগেদি অভিনন্দন জনোৱা পৰিলক্ষিত হৈছে।

অৰুণাচলৰ কংগ্ৰেছ নেতা প্ৰাক্তন কেন্দ্ৰীয় মন্ত্ৰী তথা সাংসদ নিনং ইৰিঙে নিকিক ‘অৰুনাচল যুৱ প্ৰজন্মৰ বাবে অনুপ্ৰেৰণাৰ উৎস’ বুলি অভিহিত কৰিছে।

Congratulations to Ms. Nikki Lego for the achievement. It will inspire the youth of Arunachal Pradesh to chase their dreams.@Google @sundarpichai https://t.co/KORnRxJwOn

— Ninong Ering (@ninong_erring) March 15, 2020

পাছিঘাটৰ ছিয়াং মডেল স্কুলত স্কুলীয়া শিক্ষা গ্ৰহণ কৰাৰ পিছত নিকিয়ে শ্বিলঙৰ লেডী কীন কলেজৰ পৰা ৰাজনীতি বিজ্ঞান বিভাগত স্নাতক ডিগ্ৰী লাভ কৰিছিল।

তাৰ পিছতে তেওঁ দিল্লী বিশ্ববিদ্যালয়ৰ পৰা জন-সংযোগৰ স্নাকোত্তৰ ডিগ্ৰী লাভ কৰে।

বিভিন্ন প্ৰতিষ্ঠানৰ লগতে গুগলৰ জনসম্পৰ্কৰক্ষী বিষয়া হিচাপে কাম কৰাৰ পিছত তেওঁ আমেৰিকালৈ গুচি যায়।

আমেৰিকাত বিভিন্ন প্ৰতিষ্ঠানত কাম কৰাৰ পিছত যোৱা বৰ্ষত নিকিয়ে আমেৰিকান সেনাবাহিনীত যোগদান কৰে।

যোৱা ৫ মাৰ্চ প্ৰশিক্ষণ সমাপ্ত কৰি নিকিয়ে আমেৰিকাৰ জৰ্জিয়াৰ মাৰ্কিন সেনা বাহিনীত এগৰাকী বিষয়াৰূপে কমৰত হৈ আছে।