অতিৰিক্ত নিষেধাজ্ঞাইও ক্ষেপণাস্ত্ৰ কাৰ্যসূচী বন্ধ কৰিব নোৱাৰে; স্পষ্ট কৰি দিলে উত্তৰ কোৰিয়াই
অতিৰিক্ত নিষেধাজ্ঞাৰ দ্বাৰাও উত্তৰ কোৰিয়াৰ ক্ষেপণাস্ত্ৰ কাৰ্যকলাপ বন্ধ কৰিব পৰা নাযাব। উত্তৰ কোৰিয়াৰ ৰাজ্যিক সংবাদ মাধ্যম কেচিএনএ-য়ে দেশখনৰ শীৰ্ষ নেতা কিম জং উনৰ ভগ্নী কিন ইয়ো জঙৰ উদ্ধৃতি দি এই কথা সদৰী কৰিছে।
পিয়ংইয়ংয়ে দুটা মধ্যম দূৰত্বৰ ক্ষেপণাস্ত্ৰ পৰীক্ষা কৰাৰ পিছতে এই ঘোষণা কৰা হৈছে।
লগতে পঢ়ক: ৰাজনীতি বিদায়! শিক্ষকতাত যোগদান কৰিব প্ৰাক্তন ব্ৰিটিছ প্ৰধানমন্ত্ৰী ডেভিদ কেমেৰুনে
তেওঁলোকে এই পৰীক্ষাটো যথেষ্ট গুৰুত্বপূৰ্ণ বুলি দাবী কৰে। উত্তৰ কোৰিয়াই দাবী কৰিছে যে পৰীক্ষাটো দেশখনৰ নিৰাপত্তাৰ স্বাৰ্থত কৰা হৈছিল।
ৰাষ্ট্ৰসংঘ আৰু আমেৰিকা যুক্তৰাষ্ট্ৰই মিছাইল পৰীক্ষাৰ বাবে উত্তৰ কোৰিয়াৰ ওপৰত কেইবাটাও নিষেধাজ্ঞা আৰোপ কৰিছে। কিন্তু পিয়ংইয়ঙে সেইবোৰত কোনো গুৰুত্ব দিয়া নাই।
লগতে পঢ়ক: বিপদত প্ৰাক্তন ৰাষ্ট্ৰপতি; অভিযোগ প্ৰমানিত হ’লে ৪০ বছৰলৈকে কাৰাবাস হ’ব পাৰে ডোনাল্ড ট্ৰাম্পৰ!
আনহাতে, দেশখনে সাম্প্ৰতিক সময়ত কেইবাটাও ক্ষেপণাস্ত্ৰ পৰীক্ষা চলাইছে। আমেৰিকা যুক্তৰাষ্ট্ৰকে ধৰি শক্তিধৰ দেশসমূহে উত্তৰ কোৰিয়াৰ দু:সাহসৰ প্ৰত্যুত্তৰ হিচাপে নিষেধাজ্ঞা আৰোপ কৰি দেশখনক নিৰস্ত্ৰ কৰাৰ প্ৰচেষ্টা অব্যাহত ৰাখিছে।