মেক্সিকো’-আমেৰিকাৰ সীমান্তত সন্তানক এৰি গৈছে পিতৃ-মাতৃয়ে : ভিছা লাভৰ কৌশল নে সংকট?

আমেৰিকাৰ সীমান্তত উন্মোচিত হৈছে এক চাঞ্চল্যকৰ ছবি – ভিছা বা আশ্ৰয় লাভৰ আশাত ভাৰতীয় অভিভাৱকে আমেৰিকা-মেক্সিকো বা কানাডা সীমান্তত নিজৰ সন্তানক অকলে এৰি থৈ গৈছে।

২০২৪ চনৰ বিত্তীয় বৰ্ষত আমেৰিকাৰ অভিবাসন কৰ্তৃপক্ষই এনে ৫১৭ টা ভাৰতীয় শিশুক গ্ৰেপ্তাৰ কৰিছিল। ২০২২ চনৰ পৰা এই সংখ্যা ১৬৫০ অতিক্ৰম কৰিছে। জানিব পৰা মতে এইদৰে গ্ৰেপ্তাৰ কৰা শিশুবোৰৰ বয়স প্ৰায় ১২ৰ পৰা ১৭ বছৰৰ ভিতৰত।

বিশেষজ্ঞসকলৰ মতে এইটো এটা সচেতন কৌশল। পিতৃ-মাতৃয়ে প্ৰথমে অবৈধভাৱে আমেৰিকাত প্ৰৱেশ কৰে আৰু তাৰ পিছত নিজৰ সন্তানক সীমান্তত এৰি দিয়ে যাতে তেওঁলোকে পিছত “পৰিয়াল পুনৰ একত্ৰীকৰণ”ৰ দ্বাৰা আমেৰিকাত আশ্ৰয় বিচাৰিব পাৰে।

ইফালে, ট্ৰাম্প প্ৰশাসন আৰু আইচিই (ইমিগ্ৰেচন এণ্ড কাষ্টমছ এনফৰ্চমেণ্ট)য়ে এতিয়া এই শিশুসকলৰ ওপৰত চোৰাংচোৱাগিৰি বৃদ্ধি কৰিছে। তথাকথিত “কল্যাণমূলক পৰীক্ষা”ৰ নামত শিশু আৰু তেওঁলোকৰ অভিভাৱকৰ বিৰুদ্ধে তদন্ত আৰু গোচৰ ৰুজু কৰা হৈছে।