ব্ৰহ্মপুত্ৰ নদীত জাপ দি আৰক্ষীৰ জিম্মাৰ পৰা পলায়ন কৰা চোৰাংচিকাৰীৰ মৃতদেহ উদ্ধাৰ

যোৱা ৭ ফেব্ৰুৱাৰীৰ পৰা নিৰুদ্দিষ্ট হৈ থকা পলাতক চোৰাংচিকাৰী উত্তম খাকলাৰীৰ মৃতদেহ ১০ ফেব্ৰুৱাৰীত কাজিৰঙা ৰাষ্ট্ৰীয় উদ্যানৰ ব্ৰহ্মপুত্ৰৰ বুকুত উদ্ধাৰ হয় ৷

কাজিৰঙা ৰাষ্ট্ৰীয় উদ্যানৰ কহঁৰা বনাঞ্চলৰ শিলেখুণ্ডা অঞ্চলত যোৱা ২০ জানুৱাৰীত উদ্ধাৰ হোৱা খৰ্গ বিহীন গঁড়টোৰ হত্যাকাণ্ডৰ অন্যতম অভিযুক্ত আছিল উত্তম খাকলাৰী ৷

 ৭ ফেব্ৰুৱাৰীৰ দিনা গোলাঘাট আৰক্ষীয়ে অসম-নাগালেণ্ড সীমান্তৰ উৰীয়ামঘাটৰ ৰেংমাইপুৰৰ পৰা স্থানীয় লোকৰ সহযোগত আটক কৰিছিল উত্তম খাকলাৰী নামৰ এই চোৰাং চিকাৰীটোক ৷

লগতে পঢ়ক: বনৰীয়া ম’হৰ আক্ৰমণত আঘাতপ্ৰাপ্ত দুই শিশু; বন বিভাগে গুলি ফুটাই প্ৰেৰণ কৰিলে বনাঞ্চললৈ

কৰায়ত্ব কৰাৰ পিছত সোমবাৰৰ নিশালৈ কঁহৰা বনাঞ্চলৰ অধীনৰ ব্ৰহ্মপুত্ৰৰ মাজৰ কাৰ্ত্তিকা টাপুলৈ নিয়াৰ সময়তে হাতত হেণ্ডকাফ লৈয়ে নদীত জাপ দি পলায়ন কৰিছিল দুধৰ্ষ চোৰাংচিকাৰী উত্তম খাকলাৰীয়ে।

এই ঘটনাৰ পিচতেই ঘটনাস্থলীত আৰক্ষী আৰু বন বিভাগে নিৰুদ্দিষ্ট উত্তম খাকলাৰীৰ সন্ধানত ব্ৰহ্মপুত্ৰত অভিযান অব্যাহত ৰখাৰ মাজতে বৃহস্পতিবাৰৰ দিনা কাৰ্ত্তিকা টাপুৰ নাতি দুৰত ব্ৰহ্মপুত্ৰ নদীৰ বুকুতে উত্তম খাকলাৰীৰ মৃতদেহ উদ্ধাৰ হয় ৷

উল্লেখ্যে যে নগা ৰেজিমেন্টৰ জোৱান আছিল উত্তম খাকলাৰী ৷ সেনা বাহিনীৰ অনুশাসন উলংঘা কৰাৰ বাবে ২০১৫ চনত চাকৰিৰ পৰা বৰ্খাস্ত কৰা হয় উত্তম খাকলাৰীক‌।

লগতে পঢ়ক: অসমতো মুন্নাভাই এমবিবিএছ! ’নীট’ ক্লিয়েৰ কৰি এইমছত ছীট পোৱা চাহ বিক্ৰেতা যুৱকৰ কাহিনী ‘ভুৱা’; স্থানীয় লোকৰ তদন্ত দাবী

জানিব পৰা মতে কহঁৰাৰ শিলেখুণ্ডা বন শিবিৰ এলেকাত হোৱা গঁড় হত্যাৰ মূল শ্বুটাৰ আছিল উত্তম খাকলাৰী‌ আৰু এই অভিযোগতেই উত্তম খাকলৰীক উৰিয়ামঘাটৰ পৰ কৰায়ত্ব কৰিছিল আৰক্ষীয়ে ৷