কংগ্ৰেছক নেতৃত্ব দিয়াৰ বাবে ৰাহুল-প্ৰিয়ংকা নহয়, আন নামহে প্ৰস্তাৱ কৰিছিল প্ৰশান্ত কিশোৰে!

নিৰ্বাচনী ৰণনীতিবিদ প্ৰশান্ত কিশোৰে কংগ্ৰেছক পুনৰুজ্জীৱিত কৰিবলৈ কংগ্ৰেছে নিজেই পাৰিব আৰু তাৰ বাবে প্ৰশান্ত কিশোৰৰ প্ৰয়োজন নাই বুলি মন্তব্য কৰিছে।

বৃহস্পতিবাৰে এটা টিভি চেনেলক দিয়া সাক্ষাৎকাৰত প্ৰশান্ত কিশোৰে কয় যে কংগ্ৰেছৰ ভৱিষ্যতকলৈ দলৰ নেতৃত্বৰ সৈতে তেওঁৰ কথা হৈছে। বহু বিষয়ত একমত হৈছে। কিন্তু কংগ্ৰেছ বহু বিয়াগোম নেতা আছে। তেওঁলোকেই দলক পুনৰুজ্জীৱিত কৰিব পাৰিব।

লগতে পঢ়ক: মৰ্মান্তিক! খেলিছিল লুকাভাকু; আইচক্ৰীমৰ ফ্ৰীজাৰত উদ্ধাৰ দুটি শিশুৰ নিথৰ দেহ

শেহতীয়াকৈ প্ৰশান্ত কিশোৰে কংগ্ৰেছ যোগ দিব পাৰে বুলি ব্যাপক চৰ্চা চলিছিল। কংগ্ৰেছে যে তেওঁক দললৈ অহাৰ প্ৰস্তাৱ দিছিল সেই কথা অস্বীকাৰ কৰা নাই নিৰ্বাচনী ৰণনীতিবিদগৰাকীয়ে। পিচে, কিশোৰে নিজেই সেই প্ৰস্তাৱত সন্মতি দিয়া নাই। তাৰ পৰিৱৰ্তে তেওঁ তেলেংগানাৰ মুখ্যমন্ত্ৰী কে চন্দ্ৰশেখৰ ৰাওৰ সৈতে বৈঠকত মিলিত হয়।

প্ৰশান্ত কিশোৰে কংগ্ৰেছতে নেতৃত্ব দিব পৰা ডাঙৰ নেতা আছে বুলি কৈ একপ্ৰকাৰ দলটোৰ সৈতে নিজৰ বিচ্ছিন্নতাৰ বাৰ্তা দিছে। যিসময়ত কংগ্ৰেছৰ নেতৃত্বৰ মাজত অৰিয়াঅৰি বৃদ্ধি পাইছে তেনে সময়ত প্ৰশান্ত কিশোৰৰ মন্তব্য এক কটাক্ষ বুলিহে বহুতে বাখ্যা কৰিব খোজে।

লগতে পঢ়ক: ৰাষ্ট্ৰসংঘৰ সচিব প্ৰধানৰ ভ্ৰমণৰ মাজতে কীয়েভত ৰাছিয়াৰ ৰকেট আক্ৰমণ; ক্ষুব্ধ গুটেৰেছৰ প্ৰতিক্ৰিয়া

আনহাতে, প্ৰশান্ত কিশোৰে ৰাহুল গান্ধীৰ পৰিৱৰ্তে প্ৰিয়ংকা গান্ধীক কংগ্ৰেছৰ নেতৃত্ব দিয়াটো বিচাৰিছিল বুলিও চৰ্চা চলিছিল। কিন্তু বৃহস্পতিবাৰে প্ৰশান্ত কিশোৰে দাবী কৰে যে ৰাহুল-প্ৰিয়ংকা কোনো  নহয়, তেওঁ আন নামহে প্ৰস্তাৱ কৰিছিল। অৱশ্যে সেই নামটো প্ৰকাশ কৰাৰ পৰা বিৰত থাকে পি কে।