ইউক্ৰেইনৰ ৰাজধানী কীয়েভ ভ্ৰমণ কৰিছে ৰাষ্ট্ৰসংঘৰ সচিব প্ৰধান এন্টনিঅ’ গুটেৰেছে। ৰাষ্ট্ৰসংঘৰ সচিব প্ৰধান গৰাকীৰ এই ভ্ৰমণৰ মাজতে কীয়েভত ৰকেট আক্ৰমণৰ ঘটনা ঘটিছে।
এনে ঘটনাত ক্ষুব্ধ হৈ পৰা ৰাষ্ট্ৰসংঘৰ সচিব প্ৰধান এন্টনিঅ’ গুটেৰেছে তেওঁৰ প্ৰতিক্ৰিয়া প্ৰকাশ কৰিছে। তেওঁক ৰাষ্ট্ৰসংঘৰ নিৰাপত্তা পৰিষদৰ বিৰুদ্ধে সমালোচনাত সৰৱ হৈ পৰা দেখা গৈছে।
গুটেৰেছে কয়,’’নিৰাপত্তা পৰিষদ ইউক্ৰেইনৰ যুদ্ধ প্ৰতিহত বা বন্ধ কৰাত ব্যৰ্থ হৈছে। এইটো আছিল প্ৰবল হতাশা তথা ক্ৰোধৰ কাৰণ।‘’
লগতে পঢ়ক: ডোনাল্ড ট্ৰাম্পৰ ট্ৰুথ ছ’চিয়েলৰ জনপ্ৰিয়তাত উদ্বিগ্ন এলন মাস্ক! কি হ’ব টুইটাৰৰ?
ৰাষ্ট্ৰসংঘৰ সচিব প্ৰধান গৰাকীয়ে কয়,’’মোক অতি স্পষ্টকৈ ক’বলৈ দিয়ক। নিৰাপত্তা পৰিষদ এই যুদ্ধ প্ৰতিহত তথা বন্ধ কৰাৰ বাবে ইয়াৰ ক্ষমতাৰ সকলোখিনি কৰাত ব্যৰ্থ হৈছে।
পোন্ধৰ সদস্যযুক্ত ৰাষ্ট্ৰসংঘৰ নিৰাপত্তা পৰিষদ বিশেষভাৱে বিশ্বত শান্তি আৰু নিৰাপত্তা সুনিশ্চিত কৰাৰ দায়িত্বত আছে।
যোৱা ফেব্ৰুৱাৰীৰ পৰা ইউক্ৰেইনত আৰম্ভ হোৱা ৰাছিয়াৰ আক্ৰমণৰপিছৰে পৰা নিজৰ দায়িত্ব পালনত ব্যৰ্থ হোৱা নিৰাপত্তা পৰিষদ ইউক্ৰেইন চৰকাৰকে ধৰি বিশ্বজুৰি সমালোচনাৰ সন্মুখীন হৈছে।
লগতে পঢ়ক: মৰ্মান্তিক! খেলিছিল লুকাভাকু; আইচক্ৰীমৰ ফ্ৰীজাৰত উদ্ধাৰ দুটি শিশুৰ নিথৰ দেহ
বৃহস্পতিবাৰে ৰাষ্ট্ৰসংঘৰ সচিব প্ৰধান এন্টনিঅ’ গুটেৰেছে কীয়েভ ভ্ৰমণ কৰি থকাৰ মাজতে ৰাছিয়াই এক শক্তিশালী বিস্ফোৰণ ঘটায়। অৱশ্যে এই আক্ৰমণৰ ঘটনাত ভ্ৰমণৰত সচিব প্ৰধান তথা দলটোৰ কোনো ক্ষতি হোৱা নাই।
