শিল্পপ্ৰাণ চন্দ্ৰ ফুকনৰ পত্নী প্ৰেমদা ফুকনৰ দেহাৱসান; কলিয়াবৰত শোকৰ ছাঁ
শিল্পপ্ৰাণ চন্দ্ৰ ফুকনৰ পত্নী প্ৰেমদা ফুকনৰ দেহাৱসান ঘটিছে। গুৱাহাটীৰ এখন চিকিৎসালয়ত ৯৭ বছৰ বয়সত প্ৰেমদা ফুকনৰ দেহাবসান ঘটে।
কলিয়াবৰ ৰাইজৰ মৰমৰ আইতা প্ৰেমদা ফুকনৰ মৃত্যুত বাসস্থান কুঠৰীৰ লগতে সমগ্ৰ কলিয়াবৰতে শোকৰ ছাঁ পৰিছে।
প্ৰেমদা ফুকনে বিগত ২০১১ বৰ্ষত শিল্প প্ৰাণ চন্দ্ৰ ফুকনৰ কুঠৰীস্থিত বাসগৃহৰ চৌহদটি পৰ্যটন ক্ষেত্ৰ হিচাপে গঢ় দিবলৈ অসম চৰকাৰৰ পৰ্যটন বিভাগক দান কৰিছিল।
নগাঁও জিলাৰ বিশিষ্ট সাংস্কৃতিবান উদ্যোগী তথা শিল্পী চন্দ্ৰ ফুকনে ৬০’ৰ দশকতে ক্ষুদ্ৰ জল বিদ্যুত প্ৰকল্প নিৰ্মাণ কৰি সমগ্ৰ কুঠৰী অঞ্চলত বিজুলী যোগান ধৰিছিল।
লগতে পঢ়ক: ৰাছিয়াৰ আক্ৰমণত ৩৫২জন সাধাৰণ নাগৰিকৰ মৃত্যু হোৱা বুলি দাবী কৰিছে ইউক্ৰেইনে
তদুপৰি, গ্ৰামাঞ্চলত কৃষি বিপ্লৱৰ সূচনা কৰি ফুকনে কুঠৰীত খাদ্য প্ৰস্তুতকৰণ উদ্যোগো স্থাপন কৰিছিল।
সেইগৰাকী পুৰোধা ব্যক্তিৰ সহধৰ্মিনী প্ৰেমদা ফুকনৰ মৃত্যুত শোক প্ৰকাশ কৰিছে কলিয়াবৰবাসীয়ে।
উল্লেখ্য যে, কিছুদিন ধৰি ৰোগাক্ৰান্ত হৈ গুৱাহাটীত চিকিৎসাধীন হৈ আছিল প্ৰেমদা ফুকন।