তিনিদিনীয়া ভ্ৰমণৰ কাৰ্যসূচীৰে অসমত উপস্থিত আৰ এছ এছৰ মুৰব্বী মোহন ভাগৱত

ৰাষ্ট্ৰীয় স্বয়ংসেৱক সংঘৰ মুৰব্বী মোহন ভাগৱত তিনিদিনীয়া ভ্ৰমণৰ কাৰ্যসূচীৰে আহি হোজাইৰ গীতাশ্ৰমত উপস্থিত হৈছে।

তেওঁৰ ভ্ৰমণৰ সময়ত তেওঁ স্বয়ংসেৱকসকলৰ সৈতে মত বিনিময় কৰাৰ লগতে সংঘ শিক্ষা বৰ্গ (দ্বিতীয় বৰ্ষ)ৰ উপস্থিতসকলক সম্বোধন কৰিব। এই প্ৰশিক্ষণ শিবিৰ ১২ জুলাইৰ পৰা আৰম্ভ হৈছিল আৰু অহা ১ আগষ্টত সমাপ্ত হ’ব।

লগতে পঢ়ক: ‘প্ৰধানমন্ত্ৰী শুই আছে, এই দলত থাকিব নোৱাৰি’, মণিপুৰক লৈ ক্ষোভিত বিজেপিৰ শীৰ্ষ নেতাৰ পদত্যাগ

বৃহস্পতিবাৰে গুৱাহাটীত উপস্থিত হোৱাৰ পিছত মোহন ভাগৱত হোজাইলৈ ৰাওনা হয়।

এক বিবৃতিত কোৱা হৈছে যে মুঠতে অসম ক্ষেত্ৰৰ ১৫১ জন স্বয়ংসেৱক, উত্তৰ অসম প্ৰান্তৰ ৯৫ জন, দক্ষিণ আসম প্ৰান্তৰ ১২ জন, অৰুণাচল প্ৰান্তৰ ৪ জন, ত্ৰিপুৰা প্ৰান্তৰ ৪৪ জন, আৰু মণিপুৰ প্ৰান্তৰ ৬ জন স্বয়ংসেৱকে এই প্ৰশিক্ষণ শিবিৰত অংশ লৈছে।

লগতে পঢ়ক: চাইবাৰ অপৰাধ! ইউটিউব লাইক কৰি ৭০০ কোটিৰো অধিক টকা হেৰুৱালে ১৫ হাজাৰৰো অধিক ভাৰতীয়ই

অসম প্ৰান্তৰ প্ৰচাৰ প্ৰমুখ (মিডিয়া ৰিলেচনছ ইন-চাৰ্জ) কিশোৰ শিৱমে উপস্থিতসকলক আৰ এছ এছৰ মুৰব্বীগৰাকীৰ নিৰ্ধাৰিত ভাষণৰ বিষয়ে অৱগত কৰে।