১৯৭১ চনেই থাকিব ভিত্তিবৰ্ষ, নাগৰিকত্ব আইনৰ ৬এ ধাৰাৰ বৈধতা অক্ষুন্ন ৰাখিলে উচ্চতম ন্যায়ালয়ে

উচ্চতম ন্যায়ালয়ে অসম চুক্তিক স্বীকৃতি দিয়া নাগৰিকত্ব আইন, ১৯৫৫ৰ ধাৰা ৬এৰ সাংবিধানিক বৈধতা অক্ষুন্ন ৰাখিছে।

আজি দেশৰ মুখ্য ন্যায়াধীশ ডি ৱাই চন্দ্ৰচুড়ৰ নেতৃত্বত ৫ জনীয়া সংবিধান বিচাৰপীঠে ৪ : ১ সংখ্যাগৰিষ্ঠতাৰে এই ব্যৱস্থাৰ সপক্ষে ৰায় দিয়ে।

অসম চুক্তি অবৈধ প্ৰব্ৰজনৰ সমস্যাৰ ৰাজনৈতিক সমাধান আৰু ধাৰা ৬এ আইনগত সমাধান বুলি আদালতে ৰায় দিয়ে।

সংখ্যাগৰিষ্ঠ সদস্যই ৰায় দিয়ে যে এই ব্যৱস্থা প্ৰণয়ন কৰাৰ বাবে সংসদৰ বিধায়িনী ক্ষমতা আছে।

লগতে পঢ়কঃ দেশৰ পৰৱৰ্তী মুখ্য ন্যায়াধীশৰ নাম ছুপাৰিশ কৰিলে ডি ৱাই চন্দ্ৰচুড়ে; পৰৱৰ্তী মুখ্য ন্যায়াধীশ হ’ব সঞ্জীৱ খান্না

উল্লেখযোগ্য যে স্থানীয় জনসাধাৰণক সুৰক্ষা দিয়াৰ প্ৰয়োজনীয়তাৰ সৈতে মানৱীয় চিন্তাৰ মাজত ভাৰসাম্য ৰক্ষাৰ বাবে ৬এ ধাৰা প্ৰণয়ন কৰা হৈছিল।

স্থানীয় জনসাধাৰণৰ মাজত অনুপ্ৰৱেশকাৰীৰ শতকৰা হাৰ অধিক হোৱাৰ বাবে পশ্চিম বংগৰ সৈতে বৃহত্তৰ সীমান্ত ভাগ কৰা আন ৰাজ্যৰ পৰা অসমক পৃথক কৰাটো যুক্তিসংগত বুলি আদালতে থিৰাং কৰে।

১৯৭১ চনৰ ২৫ মাৰ্চৰ ভিত্তিবৰ্ষটো যুক্তিসংগত বুলি গণ্য কৰা হয় কিয়নো ইয়াৰ জৰিয়তে বাংলাদেশ মুক্তি যুদ্ধৰ অন্ত পৰিছিল।

অৱশ্যে ন্যায়াধীশ জে বি পাৰ্দিৱালাই ৬এ ধাৰাক অসাংবিধানিক বুলি কৈ বিৰোধী ৰায়দান কৰে।

লগতে পঢ়কঃ সন্তানৰ সন্মুখত পিতৃ-মাতৃয়ে কেতিয়াও কৰা উচিত নহয় এই ৫টা কাম; জানি লওক কোনকেইটা কাম

বাংলাদেশৰ পৰা অহা অবৈধ অনুপ্ৰৱেশৰ প্ৰতি লক্ষ্য ৰাখি ভাৰত চৰকাৰ আৰু অসম আন্দোলনৰ প্ৰতিনিধিৰ মাজত ১৯৮৫ চনত অসম চুক্তি স্বাক্ষৰিত হৈছিল। নিৰ্দিষ্ট চৰ্ত পূৰণ কৰা অনুপ্ৰৱেশকাৰীক ৬এ ধাৰাত নাগৰিকত্ব প্ৰদান কৰা হৈছে।