কেব : মহানগৰীত অগ্নিগৰ্ভ পৰিস্থিতি; সান্ধ্য আইন, ১৪৪ ধাৰা জাৰি
কেব বিৰোধী প্ৰতিবাদত কেন্দ্ৰ কৰি সমগ্ৰ ৰাজ্যত এতিয়া অগ্নিগৰ্ভ পৰিস্থিতি সৃষ্টি হৈছে। বিশেষকৈ গুৱাহাটী মহানগৰীত বৰ্তমান পৰিস্থিতি অত্যন্ত উত্তপ্ত হৈ আছে।
পৰিস্থিতি নিয়ন্ত্ৰণ কৰাত সম্পুৰ্ণ ব্যৰ্থ হোৱাৰ পিছত জিলা প্ৰশাসনে গুৱাহাটী মহানগৰত সান্ধ্য আইন আৰু ১৪৪ ধাৰা জাৰি কৰিছে।
আজি সন্ধ্যা ৬.১৫ বজাৰ পৰা ১২ ঘণ্টাৰ বাবে এই সান্ধ্য আইন বাহাল থাকিব।
উল্লেখযোগ্য যে বিক্ষোভৰ কেন্দ্ৰবিন্দুত পৰিণত হোৱা ৰাজধানী দিচপুৰত এতিয়াও পৰিস্থিতি উত্তপ্ত হৈ আছে। প্ৰতিবাদকাৰীয়ে যান-বাহনতো অগ্নি সংযোগ কৰিছে, ফলত আৰক্ষী-নিৰাপত্তা বাহিনীয়ে লাঠীচালনা কৰাৰ লগতে ৰাইজক চত্ৰভংগ দিবলৈ শূণ্যলৈ গুলীচালনা কৰে।
মহানগৰীৰ আন ঠাইসমূহতো একেই উত্তপ্ত পৰিস্থিতি। শেহতীয়াভাৱে উলুবাৰীতো পৰিস্থিতি নিয়ন্ত্ৰণ কৰিবৰ বাবে আৰক্ষীয়ে শূণ্যলৈ গুলীচালনা কৰাৰ খবৰ আহিছে।