মুখ্যমন্ত্ৰী হিমন্ত বিশ্ব শৰ্মাৰ শান্তিৰ অসম! আইন-শৃংখলা পৰিস্থিতিৰ পৰিপ্ৰেক্ষিতত অসমলৈ ৬ ৰাষ্ট্ৰৰ ভ্ৰমণ নিষেধাজ্ঞা জাৰি

মুখ্যমন্ত্ৰী হিমন্ত বিশ্ব শৰ্মাই বৰ্তমান অসমত শান্তিৰ পৰিৱেশ বিৰাজ কৰা বুলি দাবী কৰি আহিলেও বাস্তৱত ৰাজ্যখনৰ আইন-শৃংখলা পৰিস্থিতিক লৈ আশ্বস্ত নহয় বিশ্বৰ আগশাৰীৰ দেশসমূহ।

ৰাজ্যৰ পৰ্যটন মন্ত্ৰী ৰঞ্জিত কুমাৰ দাসে মঙলবাৰে বিধানসভাত অৱগত কৰে যে আমেৰিকা, ব্ৰিটেইন, অষ্ট্ৰেলিয়া, ছুইজাৰলেণ্ডকে ধৰি ছখন দেশে অঞ্চলটোৰ আইন-শৃংখলাৰ পৰিস্থিতিক লৈ অসম আৰু উত্তৰ-পূবৰ বাকী অংশ ভ্ৰমণৰ বিৰুদ্ধে নাগৰিকসকলৰ বাবে ভ্ৰমণত নিষেধাজ্ঞা জাৰি কৰিছে।

কংগ্ৰেছৰ বিধায়ক ৰেকিবুদ্দিন আহমেদৰ এক প্ৰশ্নৰ উত্তৰত এই তথ্য দাঙি দৰে মন্ত্ৰী দাসে।

এই নিষেধাজ্ঞা জাৰি কৰা দেশসমূহ হ’ল আমেৰিকা যুক্তৰাষ্ট্ৰ, অষ্ট্ৰেলিয়া, নিউজিলেণ্ড, ব্ৰিটেইন, কানাডা আৰু ছুইজাৰলেণ্ড।

আইন-শৃংখলাৰ পৰিস্থিতিৰ উদ্ধৃতি দি এই নিষেধাজ্ঞা অসমৰ লগতে উত্তৰ-পূৰ্বাঞ্চলৰ অন্যান্য ৰাজ্যৰ বাবে আৰোপ কৰা হৈছে বুলিও তেওঁ কয়।

মন্ত্ৰী দাসে জনায় যে ৰাজ্য চৰকাৰৰ হৈ পৰ্যটন বিভাগে বৈদেশিক পৰিক্ৰমা মন্ত্ৰালয়ৰ সৈতে যোগাযোগ কৰি এই নিষেধাজ্ঞাসমূহ উঠাই ল’বলৈ এই দেশসমূহক আহ্বান জনাইছে।

মন্ত্ৰীগৰাকীয়ে লগতে কয়, ‘অষ্ট্ৰেলিয়াৰ এটা উচ্চ পৰ্যায়ৰ দলে এই দিশটো চাবলৈ অলপতে অসম ভ্ৰমণ কৰিছিল।