গ্ৰীষ্মৰ বন্ধতো ১৯ জুনলৈ চলি থাকিব উচ্চতম ন্যায়ালয়ৰ কাম-কাজ

ভাৰতৰ উচ্চতম ন্যায়ালয়ৰ কাম-কাজ গ্ৰীষ্মৰ বন্ধৰ সময়তো চলি থাকিব বুলি শুকুৰবাৰে উচ্চতম ন্যায়ালয়ে ঘোষণা কৰে।

অহা সোমবাৰৰ পৰা গ্ৰীষ্মৰ বন্ধ আৰম্ভ হোৱাৰ কথা আছিল।

উচ্চতম ন্যায়ালয়ৰ অধিবক্তাসকলে বৈঠকৰ অন্তত জুনৰ ১৯ তাৰিখলৈ উচ্চতম ন্যায়ালয়ৰ কাম-কাজ চলাই নিয়াৰ ক্ষেত্ৰত সিদ্ধান্ত গ্ৰহণ কৰে।

ক’ৰ’না ভাইৰাছৰ সংক্ৰমণৰ ফলশ্ৰুতিত উচ্চতম ন্যায়ালয়ত মাৰ্চৰ ১৬ তাৰিখৰ পৰা কেবল মাত্ৰ অতি আৱশ্যকীয় গোচৰৰহে শুনানি গ্ৰহণ কৰি থকা হৈছে।

উচ্চতম ন্যায়ালয়ৰ মুখ্য ন্যায়াধীশ এছ এ বোবদে ক’ৰ’না ভাইৰাছে মহামাৰীৰৰ সময়ত কেনেদৰে ন্যায়ালয়ৰ কাম-কাজ চলোৱা হ’ব সেই সম্বন্ধে নতুনকৈ ভাবিবলৈ বাধ্য কৰিছে বুলি গুৰুত্বপূৰ্ণ মন্তব্য কৰিছিল।

মুখ্য ন্যায়াধীশ বোবদে উচ্চতম ন্যায়ালয়ে দেশৰ ভিতৰত প্ৰথম প্ৰতিষ্ঠান হিচাপে ক’ৰ’না ভাইৰাছৰ সংক্ৰমণ ৰোধৰ বাবে কাৰ্য্যব্যৱস্থা হাতত লৈ কোৰ্টৰ সাধাৰণ শুনানিৰ ক্ষেত্ৰত সীমাবদ্ধতা জাৰি কৰিছিল।