চৰকাৰী তথ্যত ভয়াৱহ বিভ্ৰান্তি! : প্ৰকৃততে পজিটিভ নে নিগেটিভ?

মহেন্দ্ৰ মোহন চৌধুৰী চিকিৎসালয়ৰ ক’ৰ’না ‘আক্ৰান্ত’ৰ ভিডিঅ’ই উদঙাইছে কোভি১৯ৰ চিকিৎসাৰ প্ৰকৃত স্বৰূপ।

নৰ্থ ইষ্ট নাওৰ হাতত exclusively পৰা এটা ভিডিঅ’ত চনী কুমাৰ নামৰ এজন লোকে উল্লেখ কৰা অনুসৰি covidassam.in ৱেবছাইটত তেওঁ SRF নম্বৰ দিয়াৰ পাছত তেওঁৰ নিগেটিভ ৰিজাল্ট অহা বুলি দেখুৱাইছে।

তেওঁ উলুবাৰীৰ কোনো কোভিড স্বাৱ পৰীক্ষণ কেন্দ্ৰত পৰীক্ষা কৰাইছিল। ৱেবছাইটত তেওঁ নিগেটিভ ওলোৱাৰ পাছতো তেওঁক ১০ দিন ক’ৰ’না পজিটিভ ৰোগীৰ মাজত ৰখা হ’ল বুলি ভিডিঅ’টোত গুৰুতৰ অভিযোগ উত্থাপন কৰিছে।

“মই আজি চাইছো অনলাইনত মোৰ কেইদিনমান আগতে কৰা টেষ্টৰ ৰিজাল্ট নিগেটিভ আহিছে। কিন্তু মোক কোভিড ৰোগীৰ মাজত ৰখাই থোৱাৰ পাছত চাগে আকৌ পৰীক্ষাত পজিটিভ ওলাল। প্ৰথমতে নিগেটিভ ওলোৱাৰ পাছত কেনেকৈ ১০ দিন পজিটিভ ৰোগীৰ মাজত মোক ৰখালে? মোৰ কাষৰ সকলোৰে চালো ৰিজাল্ট পজিটিভ আহিছে।” ভিডিওটোত চনী নামৰ যুৱকজনে এইদৰে কয়।

ইপিনে, ভিডিঅ’টোত আন একাংশৰ প্ৰশ্ন “COVID19 ৰ নামত অসমত কি চলিছে? আমাৰ হাততো এতিয়ালৈকে পজিটিভ বুলি মেছেজ আহি পৰাহি নাই। আমিও নিগেটিভ নেকি? আমাক ৰিজাল্টৰ msg টো লাগে।”

উল্লেখযোগ্য যে, কালিও জুবিন গাৰ্গৰ সংগীত পৰিচালক শেখৰ জ্যোতি গোস্বামীয়ে ফেচবুকত কৰা এটা লাইভ ভিডিঅ’ত প্ৰণৱ নামৰ যুৱক এজনৰ নিগেটিভ বুলি মোবাইলত মেছেজ অহাৰ পাছতো কালি জোৰ জবৰদস্তি খানাপাৰা অস্থায়ী কোভিড চিকিৎসালয়লৈ অনা হৈছিল।

এনেবোৰ ঘটনা পোহৰলৈ অহাৰ পাছত প্ৰশ্ন হয় “চৰকাৰী তথ্যত কিয় বাৰে বাৰে পোহৰলৈ আহে ভয়াৱহ বিভ্ৰান্তি ?

স্বাৱ টেষ্টৰ ৰিজাল্ট অহাসকল প্ৰকৃততে পজিটিভ নে নিগেটিভ ?