ক্ৰমাৎ আকৰ্ষণীয় হৈ পৰিছে থাওৰাৰ নিৰ্বাচনী বতাহ, হঠাতে জিলিকিছে কংগ্ৰেছৰ প্ৰচাৰ

শাসকীয় দলৰ মন্ত্ৰী বিধায়কৰ পৰা নেতা পালিনেতা এতিয়া ব্যস্ত নিৰ্বাচনী প্ৰচাৰত।

থমকি ৰোৱা নাই কংগ্ৰেছ দলও। আজি থাওৰাত নিৰ্বাচনী প্ৰচাৰ চলাবলৈ আহে নিখিল ভাৰত কংগ্ৰেছ কমিটিৰ সম্পাদক জীতেন্দ্ৰ সিং।

ডিমৌৰ আঠাবাৰীত অনুষ্ঠিত এখনি নিৰ্বাচনী সভাত অংশ লোৱাৰ পূৰ্বে ঐতিহাসিক শিৱ দ’লত আশীৰ্বাদ লয় জীতেন্দ্ৰ সিং, প্ৰদেশ কংগ্ৰেছৰ সভাপতি ভূপেন বৰা, প্ৰাক্তন সভাপতি ৰিপুন বৰা, বিধায়ক দেৱব্ৰত শইকীয়াই।

উপ নিৰ্বাচনত অসমলৈ কংগ্ৰেছ দলৰ প্ৰচাৰ অভিযানত অংশগ্ৰহণ কৰিবলৈ অহা নেতা গৰাকীয়ে কংগ্ৰেছ দলে আগন্তুক নিৰ্বাচনত ভাল ফলাফল দেখুৱাব বুলি আশা প্ৰকাশ কৰে।

সিঙে শিৱ দৌল চৌহদত সংবাদ মাধ্যমৰ সৈতে হোৱা কথা বতৰাত অসমৰ বি জে পি চৰকাৰৰ মুখ্যমন্ত্ৰী হিমন্ত বিশ্ব শৰ্মাক কঠোৰ ভাষাৰে সমালোচনা কৰে ।

মুখ্যমন্ত্ৰী শৰ্মাই ৰাজ্যত বিধায়ক কিনা বেচা মুকলিকৈ কৰি নীতি হীন ৰাজনীতিৰ আশ্ৰয় লোৱা বুলি সিঙে অভিযোগ কৰে।

আনহাতে প্ৰদেশ কংগ্ৰেছ সভাপতি ভূপেন বৰাই ৫ মাহত ৪৮ হাজাৰ টকা ঋণ লোৱা মূখ্যমন্ত্ৰী হিমন্ত বিশ্ব শৰ্মাই নিৰ্বাচনী প্ৰচাৰত আহি প্ৰতিটো সমষ্টিতে ২০০০ কোটিৰ সমষ্টি উন্নয়নৰ যি আশ্বাস দিছে সেয়া এক ডাঙৰ ফাঁকি বুলি অভিহিত কৰে।

ভূপেন বৰাই ৰাইজৰ দলৰ সভাপতি বৰাই ৰাইজৰ দলৰ সভাপতি অখিল গগৈ সম্পৰ্কতো সৰৱ হৈ পৰে। অখিল গগৈক লক্ষ্যভ্ৰষ্ট ধনুকাঁড় বুলি কটাক্ষ কৰে বৰাই।