বিশ্বৰ আটাইতকৈ ধুনীয়া গছ! সোণালী পোহৰ বিলাইছে ৮০০ বছৰীয়া এই গছজোপাই
ৱয়ংজু বাংগি-ৰি জিংকগো গছজোপাই ইয়াৰ চাৰিওফালে সোণালী পোহৰ বিকিৰণ কৰিছে। মূল শৰীৰৰ পৰা গছজোপা চাৰিওফালৰ ১৭ মিটাৰ এলেকা বিয়পি আছে। এই গছজোপা ৮০০ বছৰ পুৰণি বুলি কোৱা হয়। দক্ষিণ কোৰিয়াৰ বিভিন্ন ৱেবছাইটৰ মতে, ই এক ৰাষ্ট্ৰীয় কীৰ্তিচিহ্ন আৰু দেশৰ ভিতৰতে সৰ্বাধিক দৰ্শনীয় অন্যতম স্থান।
গছজোপাৰ ডালপাতবোৰ যিদৰে মেলিছে, তাতেই ভাৱ হয় পৃথিৱীত চাবলগীয়া যিবোৰ গছ আছে ই তাৰ অন্যতম। ছ’চিয়েল মিডিয়াত বহুতে গছজোপাক ‘বিশ্বৰ আটাইতকৈ ধুনীয়া গছ’ বুলি অভিহিত কৰিছে। দেশৰ বিভিন্ন প্ৰান্তত এই গছ আছে।
এই গছজোপাৰ উৎপত্তি সম্পৰ্কে কোৰিয়ান জংআং ডেইলীয়ে দুটা জনপ্ৰিয় কাহিনী প্ৰকাশ কৰিছে। এটাত কোৱা হৈছে যে ইয়াৰ উৎপত্তি চিলা ৰাজবংশৰ সময়ত (খ্ৰীষ্টপূৰ্ব ৫৭-৯৩৫ খ্ৰীষ্টাব্দ)। আন এটা পৌৰাণিক কাহিনীত কোৱা হৈছে যে চিলা বংশৰ শেষৰজন ৰজাৰ পুত্ৰ ক্ৰাউন প্ৰিন্স মাউইয়ে সন্যাস জীৱনৰ বাবে মাউণ্ট কুমগাংলৈ যোৱাৰ সময়ত এই গছ ৰোপণ কৰিছিল।
বিজ্ঞানীসকলে দশক দশক ধৰি জিংকগো গছৰ ওপৰত গৱেষণা কৰি আহিছে। এই ধৰণৰ গছ কেনেকৈ বাঢ়ে সেই কথা জানিবলৈ চেষ্টা কৰি আছে। প্ৰচিডিংছ অৱ দ্য নেচনেল একাডেমী অৱ চাইন্সেছত প্ৰকাশিত এক গৱেষণা প্ৰতিবেদন অনুসৰি ৬০০ বছৰীয়া জিংকগো গছবোৰে ইয়াতকৈ কম বয়সীয়া গছতকৈ অধিক ক্ষতিকাৰক ৰাসায়নিক পদাৰ্থৰ পৰা নিজকে ৰক্ষা কৰিব পাৰে।
This ginkgo tree, in the village of Bangye-ri in South Korea,
is thought to be at least 800 years old
pic.twitter.com/0NxlFQ0USd— Science girl (@gunsnrosesgirl3) December 4, 2023
জিংকগো হৈছে পূব এছিয়াৰ স্থানীয় জিমনোস্পাৰ্ম (gymnosperm) জাতীয় গছ। এই প্ৰজাতিৰ গছ প্ৰথম ২৯ কোটি বছৰ আগতে পোৱা গৈছিল। এইটোৱেই জিংকগো গছৰ শেষ বৰ্তি থকা প্ৰজাতি।