কেন্দ্ৰীয় মন্ত্ৰী ৰিজেজুক বিদ্যালয়ৰ অনুষ্ঠানত উপস্থিত থাকিবলৈ বাধ্য কৰিলে অকণমানি কন্যাই
কেন্দ্ৰীয় গৃহ মন্ত্ৰী কিৰেন ৰিজেজুক নিজৰ বিদ্যালয়ৰ অনুষ্ঠানত উপস্থিত থাকিবলৈ বাধ্য কৰিলে তেওঁৰ অকণমানি কন্যাই। এগৰাকী কেন্দ্ৰীয় মন্ত্ৰী হিচাপে নিজৰ ব্যস্ততাপূৰ্ণ সময়সূচীৰ পৰা সময় ৰাহি কৰি কেন্দ্ৰীয় মন্ত্ৰীগৰাকী উপস্থিত হ’লগৈ তেওঁৰ কন্যাৰ বিদ্যালয়ত।
অন্য দহগৰাকী ব্যস্ত পিতৃ-মাতৃৰ দৰেই ৰিজেজুয়েও কৰ্মস্থলী আৰু গৃহস্থালীৰ মাজত ভাৰসাম্য ৰক্ষা কৰি চলিবলগীয়া হৈয়।
‘দ্য ইণ্ডিয়ান এক্সপ্ৰেছ’ত প্ৰকাশিত এটা প্ৰতিৱেদন অনুসৰি ৰিজেজুৰ কন্যাজনীয়ে তাইৰ বিদ্যালয়ত অনুষ্ঠিত হ’বলগীয়া এটা অনুষ্ঠানত দেউতাকক উপস্থিত থাকিবলৈ এটা অকাট্য যুক্তিৰে বাধ্য কৰিছিল।
কেন্দ্ৰীয় মন্ত্ৰীগৰাকীয়ে টুইটাৰত লিখিছে, ‘‘অৱশেষত প্ৰথমবাৰৰ বাবে মই মোৰ কন্যাৰ বিদ্যালয়ত অনুষ্ঠিত ‘ককা-আইতা দিৱস’ত উপস্থিত থাকিবলৈ অলপ সময় পালোঁ।‘’
ৰিজেজুৱে কৈছে যে তেওঁ বিদ্যালয়লৈ যোৱাত তাএওঁৰ কন্যাজনী ‘অতি উত্তেজিত’ হৈ পৰিছিল।
‘দ্য ইণ্ডিয়ান এক্সপ্ৰেছ’ৰ প্ৰতিৱেদনটোত আৰু কোৱা হৈছে যে ফটোখনে যথেষ্ট মনোযোগ আকৰ্ষণ কৰিবলৈ সক্ষম হৈছে। ৰিজেজুৱে এটা ভিডিঅ’ও শ্বেয়াৰ কৰিছে, য’ত তেওঁৰ কন্যাজনীয়ে অভিযোগ কৰিছে যে মাকে তাইৰ নাচ চাবলৈ সদায় বিদ্যালয়লৈ যায়, কিন্তু তেওঁহে নাযায়।
This is how my little daughter convinced me to attend her school's "Grandparents Day" for the first time. pic.twitter.com/ZaIt3y658D
— Kiren Rijiju (@KirenRijiju) September 30, 2018
কেন্দ্ৰীয় মন্ত্ৰীগৰাকীয়ে যেতিয়া অকণমানি ছোৱালীজনীক নিজৰ ব্যস্ত কৰ্মসূচীৰ বিষয়ে বুজাবলৈ চেষ্টা কৰিছিল তাই তৎক্ষণাত উত্তৰ দিছিল, ‘‘তুমি তোমাৰ বছক কোৱা যে তুমি তোমাৰ ছোৱালীৰ বিদ্যালয়লৈ যাবলগীয়া আছে। তেতিয়া তোমাৰ বছে তোমাক ৰেহাই দিব।‘’
টুইটাৰত অকণমানি ছোৱালীজনীৰ এই উত্তৰবোৰ জনপ্ৰিয় হৈ পৰিছে। কিছুমানে কেন্দ্ৰীয় মন্ত্ৰীগৰাকীক তেওঁৰ জীয়ৰীৰ সৈতে অধিক সময় কটাবলৈ পৰামৰ্শ দিছে। আন কিছুমানে ৰিজেজুক এটা দিনৰ ছুটি দিবলৈ তেওঁৰ ‘বছ’ প্ৰধান মন্ত্ৰী মোডীক ‘টেগ’ কৰিবলৈ আৰম্ভ কৰিছে।‘’
অৱশেষত কেন্দ্ৰীয় গৃহ মন্ত্ৰী ৰিজেজুৱে জীয়েকৰ বিদ্যালয়ত অনুষ্ঠিত ‘ককা-আইতা দিৱস’ত উপস্থিত থকাৰ সিদ্ধান্ত গ্ৰহণ কৰে।
‘‘তাইৰ ককা-আইতাক কোনো এগৰাকীৰ অনুপস্থিতিত ‘‘অৱশেষত মোৰ কন্যাৰ বিদ্যালয়ত অনুষ্ঠিত ‘ককা-আইতা দিৱস’ত উপস্থিত থকাৰ সময় উলিয়ালোঁ।’’