PM Modi Twitter handle hacked: চৰকাৰে দিছে বিনামূলীয়া বিটকয়েন! মাজনিশা হেক হ’ল প্ৰধানমন্ত্ৰী মোদীৰ টুইটাৰ একাউন্ট
PM Modi Twitter handle hacked শনিবাৰে মাজনিশা হেক হৈ পৰে প্ৰধানমন্ত্ৰী নৰেন্দ্ৰ মোদীৰ টুইটাৰ একাউন্ট। প্ৰধানমন্ত্ৰীৰ মোদীৰ টুইটাৰৰ পৰা দিয়া এটা মেচেজত দাবী কৰা হৈছিল যে ভাৰত চৰকাৰেই হেনো বিটকয়েনত বিনিয়োগ কৰিছে আৰু সকলো ভাৰতীয়কে বিটকয়েন দিয়া হৈছে।
প্ৰধানমন্ত্ৰীৰ কাৰ্যালয়ৰ পৰা এই সন্দৰ্ভত এক বিবৃতি দি কোৱা হৈছে,’’প্ৰধানমন্ত্ৰী নৰেন্দ্ৰ মোদীৰ টুইটাৰ হেণ্ডল ‘খুব কম সময়ৰ বাবে হেক কৰা হৈছিল’ আৰু পাছত ইয়াক পুনৰ সুৰক্ষিত কৰা হৈছে। একাউন্টত বিটকয়েন দিয়াৰ প্ৰতিশ্ৰুতিসহ এটা লিংক শ্বেয়াৰ কৰা হৈছিল।
উল্লেখ্য যে প্ৰধানমন্ত্ৰী মোদীৰ টুইটাৰ একাউন্টৰ ৭৩.৪মিলিয়নকৈয়ো অধিক ফল’ৱাৰ আছে।
The Twitter handle of PM @narendramodi was very briefly compromised. The matter was escalated to Twitter and the account has been immediately secured.
In the brief period that the account was compromised, any Tweet shared must be ignored.
— PMO India (@PMOIndia) December 11, 2021
প্ৰধানমন্ত্ৰীৰ টুইটাৰ একাউন্ট হেক হোৱাৰ কিছুসময়ত পাছতেই একাউন্টটো পুনৰুদ্ধাৰ কৰাৰ লগতে ভুৱা টুইট মেচেজসমূহ মচি পেলোৱা হয়।
প্ৰধানমন্ত্ৰীৰ টুইটাৰত বিটকয়েন সম্পৰ্কীয় এই প্ৰতিশ্ৰুতিভৰা মেচেজ প্ৰকাশৰ পাছতে ‘হেক’ হেছটেগ ট্ৰেণ্ড কৰিবলৈ ধৰে।
যিটো টুইটাৰ একাউন্টত প্ৰধানম্ন্ত্ৰী মোদীৰ ব্যক্তিগত ৱেবছাইট তথা মোবাইল এপ আপডেট কৰা হয় সেইটো যোৱাবছৰ ছেপ্টেম্বৰত কোনো অজ্ঞাত গ্ৰুপে হেক কৰিছিল।