ৰাজ্যত UNLOCK-4 ৰ নিয়মাৱলী ঘোষণা; কি কি খোলা থাকিব, কি কি বন্ধ?
ৰাজ্যত UNLOCK-4 ৰ নিয়মাৱলী ঘোষণা কৰিছে ৰাজ্য চৰকাৰৰ মুখ্য সচিব কুমাৰ সঞ্জয় কৃষ্ণই।
সেই নিয়মাৱলীসমূহ তলত উল্লেখ কৰা হ’ল :
- ৩০ ছেপ্টেম্বৰলৈ বন্ধ থাকিব ৰাজ্যৰ স্কুল কলেজ আৰু অন্যান্য শিক্ষানুষ্ঠান
- শিক্ষানুষ্ঠানলৈ এটা সময়ত যাব পাৰিব ৫০ শতাংশ শিক্ষক-অনা শিক্ষক কৰ্মচাৰী
- অসম চৰকাৰে এক নিৰ্দেশনাযোগে জানিবলৈ দিছে এই কথা ।
- নৱম শ্ৰেণীৰ পৰা দ্বাদশ শ্ৰেণীলৈ ছাত্ৰ-ছাত্ৰীসকল স্বেচ্ছামূলকভাৱে অভিভাৱকৰ লিখিত অনুমতি লৈ শিক্ষকৰ তত্বাবধানত বিদ্যালয়লৈ যাব পাৰিব।
- উচ্চ শিক্ষা গ্ৰহণ কৰি থকাসকলে কেৱল গৱেষণা বা এৰাব নোৱাৰা পৰীক্ষাগাৰৰ কামৰ বাবে যাব পাৰিব শিক্ষানুষ্ঠানলৈ।
- অহা ৭ ছেপ্তেম্বৰৰ পৰা ৰাজহুৱা পৰিবহন ব্যৱস্থাৰ ক্ষেত্ৰত সামাজিক দূৰত্ব আৰু কোভিড প্ৰট’কল মানি চলাচলৰ অনুমতি দিয়া হৈছে।
- অহা ২১ চেপ্তেম্বৰৰ পৰা সামাজিক, শৈক্ষিক, ক্ৰীড়া, মনোৰঞ্জনধৰ্মী, সাংস্কৃতিক, ধৰ্মীয় ৰাজনৈতিক অনুষ্ঠান সভা-সমিতি অনুষ্ঠিত কৰিব পাৰিব যদিও ১০০ জনতকৈ অধিক লোকৰ সমাৱেশ ঘটিব নোৱাৰিব। ২০ চেপ্তেম্বৰলৈকে ৫০ গৰাকী লোকতকৈ বেছি লোক সমৱেত হ’ব নোৱাৰিব।
- চিনেমা, চুইমিং প’ল. পাৰ্ক, থিয়েটাৰ ইত্যাদিসমূহ বন্ধ ৰখাৰ সিদ্ধান্ত ৰখা হৈছে।
- কনটেইনমেন্ট জ’নৰ ক্ষেত্ৰত জিলা দণ্ডাধীশে সিদ্ধান্ত ল’ব পাৰিব তাত কেৱল জৰুৰীকালীন সেৱাসমূহ প্ৰযোজ্য হ’ব।