যুদ্ধৰ আতংকৰ মাজত পাকিস্তানীসকলে গুগলত কি চাৰ্চ কৰিছে? জানি আচৰিত হ’ব আপুনি!

জম্মু-কাশ্মীৰৰ পেহেলগামত সংঘটিত সন্ত্ৰাসবাদী আক্ৰমণৰ পিছত ভাৰত আৰু পাকিস্তানৰ মাজত উত্তেজনা বৃদ্ধি পাইছে। এই আক্ৰমণৰ প্ৰতি সঁহাৰি জনাই ভাৰত চৰকাৰে ধাৰাবাহিকভাৱে কঠোৰ সিদ্ধান্ত গ্ৰহণ কৰি পাকিস্তানৰ ওপৰত হেঁচা প্ৰয়োগ কৰিছে।

চৰকাৰে ততাতৈয়াকৈ পাকিস্তানী বিমানৰ বাবে ভাৰতীয় আকাশমাৰ্গ বন্ধ কৰি দিয়ে। ইয়াৰ উপৰিও ভাৰত চৰকাৰে পাকিস্তানী নাগৰিকক দেশ এৰি যাবলৈ সময়সীমাও বান্ধি দিছে। ভাৰতে সাময়িকভাৱে স্থগিত ৰাখিছে সিন্ধু জল সন্ধি।

তদুপৰি, ভাৰতত পাকিস্তানী চেলিব্ৰিটিৰ একাউণ্ট ব্লক কৰা হৈছে। ইফালে পাকিস্তানৰ জনসাধাৰণ আৰু সংবাদ মাধ্যমৰ মাজতো আলোড়নৰ সৃষ্টি হৈছে। ভাৰত আৰু যুদ্ধ সম্পৰ্কীয় বাতৰি ছ’চিয়েল মিডিয়া প্লেটফৰ্মত ট্ৰেণ্ডিং হৈ আছে। পাকিস্তানীসকলে বেছিভাগেই ভাৰতৰ সামৰিক প্ৰস্তুতি, ভাৰত চৰকাৰৰ সিদ্ধান্ত, ৰাফেল যুদ্ধ বিমানৰ তথ্য চাৰ্চ কৰিছে।

উল্লেখ্য যে পেহেলগাম আক্ৰমণৰ পিছত কৰিছে প্ৰধানমন্ত্ৰী নৰেন্দ্ৰ মোডীৰ নেতৃত্বত নিৰাপত্তা সম্পৰ্কীয় কেবিনেট কমিটিয়ে ততাতৈয়াকৈ স্থগিত ৰাখিছিল সিন্ধু জল সন্ধি। ইমান ডাঙৰ আৰু কঠোৰ পদক্ষেপ ভাৰতে প্ৰথমবাৰৰ বাবে গ্ৰহণ কৰিছে। ভাৰত আৰু পাকিস্তানৰ মাজত তিনিটা বৃহৎ যুদ্ধ সংঘটিত হৈছে। কিন্তু এই চুক্তিখন আগতে কেতিয়াও স্থগিত ৰখা হোৱা নাছিল।

ভাৰতৰ বৈদেশিক পৰিক্ৰমা মন্ত্ৰালয়ে এক বিবৃতি প্ৰকাশ কৰি কয় যে ১৯৬০ চনৰ সিন্ধু জল সন্ধি তাৎক্ষণিকভাৱে কাৰ্যকৰী হোৱাকৈ স্থগিত ৰখা হৈছে। পাকিস্তানে সন্ত্ৰাসবাদক সমৰ্থন কৰা বন্ধ নকৰালৈকে এই নিষেধাজ্ঞা চলি থাকিব।

ইয়াৰ পিছত ভাৰত চৰকাৰে পাকিস্তান সম্পৰ্কীয় বহু ইউটিউব চেনেল ভাৰতত নিষিদ্ধ কৰে। ইয়াৰ উপৰিও ভাৰতীয় আকাশমাৰ্গ ২৩ মে’লৈকে পাকিস্তানী বিমানৰ বাবে বন্ধ কৰি দিয়া হৈছে।