আমেৰিকাৰ ৰাষ্ট্ৰপতি জ’ বিডেনৰ পোহনীয়া কুকুৰ দুটাক হোৱাইট হাইচৰ পৰা অপসাৰণ কৰা হৈছে।
বাতৰিত প্ৰকাশ পোৱামতে, ৰাষ্ট্ৰপতিজনৰ তিনিবছৰীয়া এটা কুকুৰে হোৱাইট হাইচৰ এজন সুৰক্ষা কৰ্মীক কামুৰে।
তাৰপাছতে জাৰ্মান শ্বেফাৰ্ড প্ৰজাতিৰ কুকুৰ দুটাক বিডেনৰ ৱিলমিংটনস্থিত নিজা বাসাভৱনলৈ পঠাই দিয়া হয়।
সুৰক্ষা কৰ্মীক কামোৰা ‘মেজৰ’ নামৰ কুকুৰটোক বিডেনে ২০১৮ চনত তুলি লৈছিল।
আনহাতে ‘চেম্প’ নামৰ আনটো কুকুৰৰ বয়স ১৩।
হোৱাইট হাইচৰ অহাৰ পাছৰে পৰা তিনিবছৰীয়া মেজৰে হোৱাইট হাউচৰ কৰ্মীসলক ভুকি আছিল আৰু অৱশেষত এজনক কামুৰি দিয়ে।
আমেৰিকাৰ ৰাষ্ট্ৰপতিসকলে কুকুৰ পোহাটো এটা বহু পুৰণি চখ।
বিডেনৰ দৰে প্ৰাক্তন ৰাষ্ট্ৰপতি লেইদন বি জনছনেও য়ুকি নামৰ এটা কুকুৰ তুলি লৈ পোহনীয়া কৰিছিল।
একমাত্ৰ ডনাল্ড ট্ৰাম্পৰ বাদে সকলো ৰাষ্ট্ৰপতিয়ে নিজৰ কাৰ্যকালত হোৱাইট হাউচত কুকুৰ পুঁহিছিল।
হোৱাইট হাউচৰ ইতিহাসত ১০০ বছৰৰ পাছত ডণাল্ড ট্ৰাম্প প্ৰথম ৰাষ্ট্ৰপতি- যি কুকুৰ পোহা নাছিল।
এই সন্দৰ্ভত ট্ৰাম্পে কৈছিল যে কুকুৰ পুঁহিবলৈ তেওঁৰ সময় নাই।
