দুই পত্নীক লৈ অশ্লীল লাইভ শ্ব’ কৰা ব্যক্তিক গ্ৰেপ্তাৰ আৰক্ষীৰ
নিজৰেই দুগৰাকী পত্নীৰ সৈতে অনলাইনত অশ্লীল লাইভ শ্ব’ কৰি ধন ঘটা এজন ব্যক্তিক আৰক্ষীয়ে গ্ৰেপ্তাৰ কৰিছে।
আৰক্ষীয়ে মধ্য প্ৰদেশৰ বিদিশাৰ পৰা ২৪বছৰীয়া এই ব্যক্তিক গ্ৰেপ্তাৰ কৰে।
বাতৰি অনুসৰি, বিভিন্ন এপত দুই পত্নীক লৈ অশ্লীল লাইভ শ্ব কৰিছিল ব্যক্তিজনে। তেওঁৰ বিৰুদ্ধে ধৰ্ষণৰ গোচৰ ৰুজু কৰা হৈছে বুলি আৰক্ষীয়ে জানিবলৈ দিয়ে।
ব্যক্তিজনৰ দ্বিতীয়া পত্নীয়ে জানিবলৈ দিয়ে যে অভিযুক্ত ব্যক্তিজনে প্ৰথম পত্নী থকাৰ কথা নজনোৱাকৈয়ে তেওঁক বিয়া পাতিছিল।
দ্বিতীয়া পত্নীৰ অভিযোগৰ ভিত্তিতেই আৰক্ষীয়ে ব্যক্তিজনৰ বিৰুদ্ধে ধৰ্ষণ আৰু আন গোচৰ ৰুজু কৰে।
নিজৰ অভিযোগত দ্বিতীয়া পত্নীয়ে জানিবলৈ দিয়ে যে অভিযুক্তই তেওঁৰ অন্তৰংগ মুহূৰ্তসমূহ অনলাইনত ভাইৰেল কৰি দিয়াৰ ভয় দেখুৱাই প্ৰথমতে শাৰিৰীক নিৰ্যাতন চলায় আৰু পাছত সেই ভিডিঅ’ অনলাইনত এৰি দিয়ে।
আৰক্ষীয়ে জানিবলৈ দিয়া মতে সেই ব্যক্তিজন মাত্ৰ দশম শ্ৰেণীলৈকেহে পঢ়াশুনা কৰিছিল। কিন্তু কম্পিউটাৰ সম্পৰ্কে তেওঁৰ বহুত দক্ষতা আছে।
ব্যক্তিজনৰ বহুকেইটা ডেটিং এপত প্ৰফাইল আছে বুলিও আৰক্ষীয়ে জনায়।
বাতৰি অনুসৰি, ব্যক্তিজনৰ প্ৰথম গৰাকী পত্নীৰ ঘৰ বাংগালুৰুত। সেইদৰে ছচিয়েল মিডিয়াত নাম সলনি কৰি উত্তৰ প্ৰদেশৰ আন গৰাকী যুৱতীক বিয়া পাতে। যুৱতীগৰাকী বৰ্তমান সাতমাহৰ অন্তসত্ত্বা।
আৰক্ষীয়ে জানিবলৈ দিয়া মতে, পত্নী দুগৰাকীৰ কোনোৱে কাৰো বিষয়ে জানিব পৰা নাছিল।