ক’ভিডত আক্ৰান্ত মহিলাক যৌনাকাংক্ষা পূৰণৰ প্ৰস্তাৱ দি আটক এজন চিকিৎসা বিষয়া, ক’ত?
(প্ৰতিনিধিত্বমূলক ফটো)
এগৰাকী ক’ভিড-১৯ ৰোগীক ওপৰত যৌনকাংক্ষা পূৰণৰ প্ৰস্তাৱ দিয়াৰ অভিযোগত আৰক্ষীয়ে আটক কৰিছে এজন চিকিৎসা বিষয়াক।
ঘটনাটো সংঘটিত হৈছে মুম্বাইৰ আন্ধেৰিৰ এখন হোটেলত।
হোটেলখনত এগৰাকী মহিলাই ক’ভিড-১৯ত আক্ৰান্ত হৈ কোৱাৰেণ্টাইনত আছিল।
বুধবাৰে আৰক্ষীয়ে এই কথা প্ৰকাশ কৰিছে।
বিষয়টো পোহৰলৈ আহে সোমবাৰে।
ক’ভিড-১৯ ৰোগীগৰাকীয়ে সোমবাৰে আৰক্ষীক বিষয়টো অৱগত কৰি এখন অভিযোগনামা দাখিল কৰে।
আৰক্ষীয়ে কয় যে, চিকিৎসা বিষয়াজনে ৰোগীগৰাকীক যৌন নিৰ্যাতন চলাবলৈ চেষ্টা কৰিছিল।
ৰোগীগৰাকীৰ অভিযোগৰ ভিত্তিত ভাৰতীয় দণ্ডবিধি আইনৰ ৩৫৪ ধাৰা অনুসৰি চিকিৎসা বিষয়াজনৰ বিৰুদ্ধে এটা গোচৰ ৰুজু কৰা হৈছে।
বৰ্তমান অভিযুক্ত চিকিৎসা বিষয়াজনক ১৪ দিনৰ বাবে আৰক্ষীৰ জিম্মালৈ প্ৰেৰণ কৰা হৈছে।