নিজৰ ১০ বছৰীয়া পুত্ৰসহ নিজ পত্নীক হত্যা কৰিছে ৰাজস্থানৰ এজন ব্যক্তিয়ে।
সোমবাৰে আৰক্ষীয়ে প্ৰকাশ কৰা অনুসৰি ৰাজস্থানৰ ভীলৱাৰা জিলাৰ অমৰৱাচি নামৰ গাঁওখনত সংঘটিত হৈছে এই লোমহৰ্ষক হত্যাকাণ্ডটো।
আৰক্ষীৰ সূত্ৰই প্ৰকাশ কৰা ঘটনাৰ বিৱৰণী অনুসৰি দেওবাৰে নিশা নিজ পত্নীৰ সৈতে কাজিয়াত লিপ্ত হৈ পত্নী আৰু পুত্ৰক এটা শিলেৰে আঘাত কৰি হত্যা কৰে লোকজনে।
“ক্ৰোধত তেওঁ পত্নীক শিলেৰে আঘাত কৰি হত্যা কৰে। একেটা শিলেৰে তেওঁ ১০ বছৰীয়া পুত্ৰ ৰাহুলকো আঘাত কৰি হত্যা কৰে।” স্থানীয় হনুমান নগৰ আৰক্ষী থানাৰ আৰক্ষী বিষয়া মহম্মদ ইমৰানে সংবাদ মাধ্যমক কয়।
বৃত্তিত কৃষক অভিযুক্ত লোকজনক আৰক্ষীয়ে গ্ৰেপ্তাৰ কৰি তদন্ত অব্যাহত ৰাখিছে বুলি প্ৰকাশ কৰিছে আৰক্ষী সূত্ৰই।
