অসম আৰক্ষীৰ অপৰাধ অনুসন্ধান শাখাই গীতানগৰ আৰক্ষীৰ সহযোগত অভিযান চলাই জু তিনিআলিৰ পৰা অনলাইন দেহ ব্যৱসায় চলাই অহা দিলীপ চাহু নামৰ এগৰাকী লোকক গ্ৰেপ্তাৰ কৰে।
জু-তিনিআলিৰ ভাড়াঘৰত বাস কৰা দিলীপ চাহুৱে দীৰ্ঘদিনৰ পৰা মহানগৰীত অনলাইনযোগে বিভিন্ন যুৱতী যোগান ধৰি দেহ ব্যৱসায় চলাই আহিছিল বুলি জানিব পৰা গৈছে।
মঙলবাৰে নিশা গ্ৰেপ্তাৰ হোৱা চাহুৰ ঘৰ ওড়িশাত বুলি আৰক্ষী সূত্ৰত প্ৰকাশ কৰা হৈছে।
আনহাতে, গীতানগৰ আৰক্ষীয়ে ধৃত যুৱকজনৰ বিৰুদ্ধে ভাৰতীয় দত্তবিধিৰ ৩৪(আই টি পি), ৬৭(আই টি) আইনৰ আধাৰত ৪২১/১৯ নম্বৰত এটা গোচৰ ৰুজু কৰি সোধ-পোছ অব্যাহত ৰাখিছে।
উল্লেখযোগ্য যে, মহানগৰীৰ ভাড়াঘৰত থাকি অনলাইন যোগে এনেদৰে দেহ ব্যৱসায় চলাই অহাৰ তথ্য পোহৰলৈ অহাৰ লগে লগে ইয়াৰ সৈতে জড়িত হৈ থকা এক বৃহৎ চক্ৰ আৰক্ষীৰ জালত পৰিব বুলি আশা কৰা হৈছে।
গুৱাহাটী মহানগৰীত থাকি বহি ৰাজ্যৰ যুৱক এজনে এনেদৰে অবৈধ দেহ ব্যৱসায় চলাই গ্ৰেপ্তাৰ হ’বলগীয়া ঘটনাই তাৎপৰ্য্য বহন কৰিছে।
