মহানগৰীৰ পুনৰ এক চাঞ্চল্যকৰ হত্যাকাণ্ডৰ ঘটনা সংঘটিত হৈছে।
সাতগাওৰ আৰক্ষী থানাৰ সন্মুখত থকা ১৯ নম্বৰ বাসগৃহত এই লোমহৰ্ষক ঘটনা সংঘটিত হৈছে।
শনিবাৰে পুৱতি নিশা সংঘটিত হৈছে এই ঘটনা।
ঘটনা অনুসৰি সাতগাওস্থিত নুৰ হোমিও ফাৰ্মাচিৰ স্বত্বাধিকাৰী ভবেশ শৰ্মাই পুৱতি নিশা নিজ বাসগৃহত পত্নী হিমাদ্রি শৰ্মাক ডিঙি ৰেপি আৰু পুত্ৰ পৰাগ শৰ্মাক ডিঙি চেপি নিজে ফেনত ৰছীৰে আত্মহত্যা কৰে।
শনিবাৰে ৰাতিপুৱা ভাৰতীয়া তথা বাসগৃহটোৰ মালিকে ভৱেশ শৰ্মাৰ চিপ লৈ থকা অৱস্থাত আৰু তেওঁৰ পত্নী হিমাদ্রি শৰ্মাক আহত অৱস্থাত আৰু পুত্ৰ পৰাগ শৰ্মাৰ নিথৰ দেহ বিচনাত পৰি অৱস্থাত দেখা পায়।
তাৰ পাছতে ভাৰাতীয়া আৰু মালিকে সাতগাও আৰক্ষীক খবৰ দিয়ে ।
ঘটনাস্থলীত লগে লগে সাতগাও আৰক্ষী উপস্থিত হৈ তদন্ত আৰম্ভ কৰি অৰ্ধ চেতন অৱস্থাত হিমাদ্রি শৰ্মাক আৰু পুত্ৰ পৰাগ শৰ্মাক জি এম চি এইছ লৈ প্ৰেৰণ কৰে।
ইপিনে, আৰক্ষীসূত্ৰই জনোৱা অনুসৰি GMCH ৰ চিকিৎসকে ছয় বছৰীয়া পুত্র পৰাগ শৰ্মা মৃত বুলি ঘোষণা কৰাৰ লগতে পত্নী হিমাদ্রি শৰ্মাই মৃত্যৰ সৈতে যুঁজি আছে বুলি জানিব দিয়ে।
তদুপৰি ঘটনাস্থলীৰ পৰা সাতগাও আৰক্ষীয়ে এখন তেজ লাগি থকা চুৰি উদ্ধাৰ কৰে।
ইতিমধ্যে সাতগাও আৰক্ষীয়ে সমগ্ৰ ঘটনা সন্দৰ্ভত গোচৰ ৰুজু কৰি তদন্ত আৰম্ভ কৰিছে।
আৰক্ষীয়ে এই মুহূৰ্তলৈ জানিব দিয়া মতে আৰ্থিক দিনতাৰ বাবে ভৱেশ শৰ্মাই নিজ পত্নীক ৰেপি আৰু পুত্ৰক ডিঙি চেপি হত্যা কৰি নিজে ফেনত ৰছীৰে চিপ লৈ আত্মহত্যা কৰিছে বুলি সন্দেহ প্ৰকাশ কৰিছে।
ইপিনে স্থানীয় লোকে আৰ্থিক দিনতাৰ বাবে এই ঘটনা সংঘটিত কৰা বুলি সন্দেহ প্ৰকাশ কৰিছে।
উল্লেখ যে ভৱেশ শৰ্মাই( ৪৮) আৰু পত্নী হিমাদ্রি শৰ্মাই ( ৩৫) আৰু ছয় বছৰীয়া পৰাগ শৰ্মাৰ সৈতে ভাড়াতিয়া হিচাপে সাতগাওৰ আৰক্ষী থানাৰ সন্মুখত ৰঞ্জন বৰদলৈ নামৰ এজন লোকৰ ১৯ নম্বৰ বাসগৃহত বিগত বহু দিন ধৰি বসবাস কৰি আছিল।
পেছাত ভৱেশ শৰ্মা সাতগাও ৰেল লাইনৰ সমীপত থকা নুৰ হোমিও ফাৰ্মাচি এখন দি পৰিয়ালটো পোহপাল দি আছিল।
