ছেপ্টেম্বৰ মাহৰ প্ৰথম সপ্তাহত মুকলি কৰা হব দেশী-বিদেশী পৰ্যটকৰ আকৰ্ষণৰ কেন্দ্ৰবিন্দু মানাহ ৰাষ্ট্ৰীয় উদ্যান, ৰাইম’নাকে ধৰি বিটিআৰৰ পৰ্যটনক্ষেত্ৰসমূহ।
এই কথা জানিবলৈ দিয়ে বিটিআৰৰ পৰ্যটন বিভাগৰ কাৰ্যবাহী সদস্য ধৰ্ম নাৰায়ন দাসে।
বুধবাৰে বিশ্ব ঐতিহ্য ক্ষেত্ৰ মানাহ ৰাষ্ট্ৰীয় উদ্যানত হঠাতে আহি উপস্থিত হৈ পৰ্যটন বিভাগৰ কাৰ্যবাহী সদস্য গৰাকীয়ে বিটিআৰৰ পৰ্যটন ক্ষেত্ৰ সমূহক নতুন ৰূপ দিয়া হব বুলি সদৰী কৰে।
দেশীয় পৰ্যটক সকলে বিটিআৰৰ পৰ্যটন ক্ষেত্ৰসমূহক আকৰ্ষণীয় কৰিছে বুলিও তেওঁ মন্তব্য প্ৰদান কৰে।
ইপিনে, মানাহ ৰাষ্ট্ৰীয় উদ্যানত Jeep Line আৰু Crocodile park স্থাপন কৰা হব বুলি উল্লেখ কৰে কাৰ্যবাহী সদস্য গৰাকীয়ে।
উল্লেখ্য যে,পৰ্যটন বিভাগৰ কাৰ্যবাহী সদস্য ধৰ্ম নাৰায়ন দাসে মানাহ ৰাষ্ট্ৰীয় উদ্যান, ককলাবাৰীৰ লগতে বিটিআৰৰ কেইবাখনো পৰ্যটন ক্ষেত্ৰ পৰিদৰ্শন কৰাৰ কথা জানিবলৈ দিয়ে।
