অসম বনাম বিহাৰৰ ১৬ অনূৰ্ধৰ ভিএম ক্ৰিকেট টুৰ্নামেণ্টৰ বাবে প্ৰস্তুত মঙলদৈ ষ্টেডিয়াম

মঙলদৈ ক্ৰীড়া সংস্থাৰ অন্তৰ্গত মঙলদৈ ষ্টেডিয়ামখন অসম বনাম বিহাৰৰ ১৬ অনূৰ্ধৰ ভিএম ক্ৰিকেট টুৰ্নামেণ্টৰ বাবে প্ৰস্তুত কৰি তোলা হৈছে। এই টুৰ্নামেণ্টখন বিচিচিআইৰ অধীনত অনুষ্ঠিত কৰা হ’ব।

অসম ক্ৰিকেট সন্থাই আয়োজন কৰা এই প্ৰতিযোগিতাখনক আগত ৰাখি অহা ২১ নৱেম্বৰৰ পৰা মঙলদৈ ক্ৰীড়া সন্থাৰ ব্যৱস্থাপনাত তিনিখন উইকেট আৰু অনুশীলন ক্ষেত্ৰ প্ৰস্তুত কৰি তোলা হ’ব।

সংবাদ মাধ্যমৰ সৈতে হোৱা বাৰ্তালাপত মঙলদৈ ক্ৰীড়া সন্থাৰ এগৰাকী জ্যেষ্ঠ বিষয়ববীয়া শম্ভু নাথ দেবে কৈছে যে পূৰ্বৰ ৩খনৰ ঠাইত এইবাৰ ৬খন অনুশীলন ক্ষেত্ৰ প্ৰস্তুত কৰি তোলা হৈছে।

তেওঁ উইকেট কেইখনৰ গুণমান সন্দৰ্ভত সন্তুষ্টি ব্যক্ত কৰি কৈছে যে ক্ৰিকেট প্ৰেমীসকলে সুন্দৰ খেল উপভোগ কৰিব পাৰিব।

বৃহস্পতিবাৰে ইতিমধ্যে ঘৰুৱা দলটো মঙলদৈত আহি উপস্থিত হৈছে আৰু আজি শুকুৰবাৰৰ পৰা তেওঁলোকে অনুশীলন আৰম্ভ কৰিছে।