এজন লোকক বৃহস্পতিবাৰে সন্ধিয়া মণিপুৰত ক’ভিড-১৯ পজিটিভ পোৱা গৈছে।
ইয়াকে লৈ ৰাজ্যখনত ক’ভিড-১৯ পজিটিভ চিনাক্ত ব্যক্তি তিনিজনলৈ বৃদ্ধি পালে।
ক’ভিড-১৯ পজিটিভ চিনাক্ত হোৱা ব্যক্তিজনৰ বয়স ৩৩ বছৰ আৰু তেওঁৰ ঘৰ ইম্ফাল ইষ্ট জিলাত।
বুধবাৰে তেওঁ মুম্বাইৰ পৰা আহি ইম্ফালত উপস্থিত হৈছিল।
ইম্ফালৰ জৱাহৰলাল নেহৰু ইন্সটিটিউট অৱ মেডিকেল চায়েন্সেজৰ সঞ্চালকে এ আই আৰ নিউজক এই তথ্য সদৰী কৰিছে।
মণিপুৰত ইয়াৰ পূৰ্বে ক’ভিড-১৯ পজিটিভ চিনাক্ত দুয়োগৰাকী লোকেই ইতিমধ্যে আৰোগ্য লাভ কৰিছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।
ইফালে চৰকাৰী হিচাপমতে দেশত বৃহস্পতিবাৰে ৪৯,২১৯ গৰাকী সক্ৰিয় ক’ভিড-১৯ আক্ৰান্ত ৰোগী আছে।
ইতিমধ্যে ২৬,২৩৪ গৰাকী লোকে এই ৰোগৰ পৰা আৰোগ্য লাভ কৰিছে আৰু ২৫৪৯ গৰাকীৰ মৃত্যু হৈছে।
