মণিপুৰত মেইটেই পুৰুষৰ এটা দলে দুগৰাকী কুকি মহিলাক উলংগ কৰি পেৰেড কৰাৰ বিৰক্তিকৰ ভিডিঅ’ই কেৱল ভাৰততে নহয়, সমগ্ৰ বিশ্বতে আলোড়ন সৃষ্টি কৰিছে।
বিজেপি চৰকাৰে মণিপুৰকে ধৰি দেশৰ আন ৰাজ্যসমূহতো নাৰীৰ স্বাভিমান ৰক্ষা কৰাত ব্যৰ্থ হোৱা বুলি সমগ্ৰ দেশৰ প্ৰায় সকলো শ্ৰেণীৰ লোকে তীব্ৰ সমালোচনা কৰিছে।
এতিয়া পোহৰলৈ আহিছে যে ভিডিঅ’ত দেখা পোৱা এগৰাকী ভুক্তভোগী কুকি মহিলাৰ স্বামী এগৰাকী অৱসৰপ্ৰাপ্ত সেনা বিষয়া। মণিপুৰত উলংগ হৈ পেৰেড কৰা ভুক্তভোগী এগৰাকী মহিলাৰ স্বামী ভাৰতীয় সেনাবাহিনীৰ অৱসৰপ্ৰাপ্ত চুবেদাৰ। তেওঁ অসম ৰেজিমেণ্টৰ কৰ্মচাৰী আছিল।
“কাৰ্গিল যুদ্ধত মই দেশৰ বাবে যুঁজিছিলো। মই যুঁজি নিজৰ দেশক ৰক্ষা কৰিছিলো, কিন্তু এতিয়া মই মোৰ পত্নী আৰু গাঁওবাসীক ৰক্ষা কৰিব নোৱাৰিলোঁ।’ -এইদৰে কয় ভুক্তভোগী মহিলাগৰাকীৰ স্বামীয়ে।
লগতে আৰক্ষীয়ে আক্ৰমণকাৰীৰ পক্ষ লৈ মহিলাকেইগৰাকীক বচাবলৈ একো নকৰাৰ অভিযোগ উত্থাপন কৰে বিষয়াগৰাকীয়ে।
সূত্ৰ অনুসৰি মণিপুৰত এগৰাকী মেইটেই মহিলাক ধৰ্ষণ কৰাৰ ভুৱা খবৰ আছিল, যাৰ ফলত অঞ্চলটোৰ মানুহৰ মাজত ক্ষোভৰ সৃষ্টি হৈছিল আৰু এই লজ্জাজনক কাণ্ডৰ সূচনা হৈছিল।
সূত্ৰসমূহে জনোৱা মতে, বনজুইৰ দৰে ছ’চিয়েল মিডিয়াত বিয়পি পৰা হোৱা ভুৱা ধৰ্ষণৰ বাতৰিত বিশ্বাস কৰি যোৱা ৪ মে’ত মণিপুৰৰ কাংপকপি জিলাৰ এখন কুকি প্ৰধান গাঁৱত অস্ত্ৰৰে সজ্জিত প্ৰায় ১০০০ লোকৰ এটা দলে এই দুৰ্ভাগ্যজনক ঘটনা সংঘটিত কৰে।
লগতে পঢ়কঃ মণিপুৰত বিভৎস গণ ধৰ্ষণৰ মূল অভিযুক্ত হুইৰেম হেৰোদাছৰ ঘৰ জ্বলাই দিলে একাংশ মহিলাই
লগতে পঢ়কঃ এফালে বিবস্ত্ৰা মণিপুৰৰ কন্যা, আনফালে যৌন নিৰ্যাতনৰ গোচৰত বিজেপিৰ ব্রিজ ভূষণক মঞ্জুৰ জামিন
লগতে পঢ়কঃ সামাজিক মাধ্যমত বিয়পি পৰা ভূৱা খবৰেই কাল হ’ল নেকি? মণিপুৰৰ ধৰ্ষণৰ আঁৰৰ কাহিনী
