পশ্চিমবংগৰ মালদাত মণিপুৰৰ এগৰাকী মহিলাক বন্দী কৰি ৫ মাহ ধৰি গণধৰ্ষণ কৰি অহাৰ এক নাৰকীয় কাণ্ড পোহৰলৈ আহিছে।
ঘটনাৰ বিৱৰণীৰ অনুসৰি মহিলাগৰাকীৰ ভাতৃৰে সৈতে ব্যৱসায়িক সম্পৰ্ক আছিল মূল অভিযুক্ত আৰিউল শ্বেখৰ।
সেই সূত্ৰে ধৰ্ষিতা মহিলাগৰাকীৰ সৈতে পৰিচয় ঘটিছিল অভিযুক্ত আৰিউল শ্বেখৰ।
জানিব পৰা মতে মণিপুৰী মহিলা গৰাকীৰ ভাতৃয়ে মূল অভিযুক্ত আৰিউলৰ পৰা ধন ধাৰে লৈছিল আৰু সেই ধাৰ পৰিশোধ কৰিব পৰা নাছিল।
তেনে সময়তে নিজ কন্যাৰ সৈতে মণিপুৰৰ মহিলা গৰাকী মালদহৰ ভাতৃ ওচৰলৈ গৈছিল।
ইয়াৰ পিছতে ভাতৃৰ গৃহৰ পৰা অপহৰণ কৰি নি আৰিউলে সতীৰ্থসহ যোৱা ৫ মাহ ধৰি কন্যাসহ মহিলাগাৰীক বন্দী কৰি যৌন নিৰ্যাতন চলোৱাৰ লগতে গণধৰ্ষণো কৰি আহিছিল।
মহিলা গৰাকীয়ে আৰক্ষীক জনোৱা অনুসৰি ভাতৃয়ে ধন পৰিশোধ নকৰাৰ বাবে তেওঁৰ ওপৰত আৰিউলে কেৱল ধৰ্ষণ কৰাতেই সীমাৱদ্ধ নাথাকি বিভিন্ন ধৰণ শাৰীৰিক অত্যাচাৰো কৰি আহিছিল।
ইয়াৰ মাজতে এদিন সুযোগ বুজি আৰিউলৰ কব্জাৰ পৰা মহিলাগৰাকী পলায়ন কৰি আৰক্ষীৰ শৰণাপন্ন হৈ অভিযোগ দাখিল কৰে।
ইতিমধ্যে আৰক্ষীয়ে মহিলাগৰাকীৰ অভিযোগৰ ভিত্তিত অভিযান চলাই মহিলাগৰাকীৰ কন্যাক উদ্ধাৰ কৰিছে। মাতৃ আৰু কন্যা দুয়োৰে স্বাস্থ্যৰ পৰীক্ষা কৰোৱা হৈছে আৰু দুয়ো বৰ্তমান সুস্থ বুলি জানিব পৰা গৈছে।
বৰ্তমান আৰিউলৰ লগতে আটাইকেইজন অভিযুক্ত পলাতক বুলি জানিব পৰা গৈছে। মালদা আৰক্ষী থানাৰ ভাৰপ্ৰাপ্ত বিষয়া গৰাকীয়ে অভিযুক্তসকলক কৰায়ত্ত কৰিবলৈ অভিযান চলাই থকা হৈছে বুলি জানিবলৈ দিয়ে।
তেওঁ কয় যে অতি শীঘ্ৰেই আটাইকেইজন অভিযুক্তকে আটক কৰিবলৈ সক্ষম হ’ব আৰক্ষী।
