অসমৰ গুৱাহাটীত হ’ব পূৰ্বে স্থানান্তৰ কৰা মণিপুৰৰ সাম্প্ৰদায়িক হিংসাৰ গোচৰৰ বিচাৰ। নিশ্চিয়তা প্ৰদান কৰিলে উচ্চতম ন্যায়ালয়ে। ন্যায়াধীশ গীতা মিত্তলৰ নেতৃত্বৰ বিচাৰপীঠে হিংসাৰ বলি হোৱা লোকৰ সাহায্য আৰু পুনসংস্থাপনৰ কাম চোৱাচিতা কৰা কমিটীৰ কাৰ্যকাল ২০২৫ চনৰ ৩১ জুলাইলৈও বৃদ্ধি কৰিছে ।
২০২৩ চনৰ আগষ্ট মাহত গঠন হোৱা এই কমিটীত বম্বে আৰু দিল্লী উচ্চ ন্যায়ালয়ৰ প্ৰাক্তন ন্যায়াধীশসকলকো অন্তৰ্ভুক্ত কৰা হৈছে।
মণিপুৰৰ ন্যায্য বিচাৰ সুনিশ্চিত কৰাৰ উদ্দেশ্যে যৌন নিৰ্যাতন, হত্যা আৰু অস্ত্ৰৰে ডকাইতিৰ দৰে গুৰুতৰ অপৰাধৰ গোচৰ অসমলৈ হস্তান্তৰ কৰা হৈছে বুলি সদৰী কৰিছে। উচ্চতম ন্যায়ালয়ে স্পষ্ট কৰি দিছে যে গুৱাহাটীৰ আদালত অব্যাহত থাকিব এই বিচাৰ প্ৰক্ৰিয়া।
উল্লেখযোগ্য যে ২০২৩ চনৰ ৩ মে’ৰ পৰা আৰম্ভ হোৱা মণিপুৰত সংঘটিত সাম্প্ৰদায়িক হিংসাৰ ফলত ২০০ৰো অধিক লোকৰ মৃত্যু হোৱাৰ লগতে বহু লোক আহত হৈছিল আৰু হাজাৰ হাজাৰ লোক স্থানচ্যুত হৈছিল।
উচ্চতম ন্যায়ালয়ে সমগ্ৰ পৰিস্থিতিৰ ওপৰত তীক্ষ্ণ দৃষ্টি ৰাখিছে, ৰাজ্যখনে স্থানচ্যুতসকলৰ অভিযোগসমূহ সমাধান কৰাৰ লগতে অনুপ্ৰৱেশকাৰীৰ বিৰুদ্ধে আইনী ব্যৱস্থা নিশ্চিত কৰাৰ প্ৰয়োজনীয়তাৰ ওপৰতো গুৰুত্ব আৰোপ কৰিছে। বিচাৰপীঠে পৰৱৰ্তী শুনানিৰ দিন ২১ জুলাইৰ পাছত ধাৰ্য্য কৰিছে।
