আগশাৰীৰ গাড়ী নিৰ্মাতা কম্পেনি মাৰুতি ছুজুকিয়ে ভাৰতত মুকলি কৰিব এখন নতুন গাড়ী। গাড়ীখনৰ নাম S Presso।
ইতিমধ্যে কম্পেনিয়ে গাড়ীখন অহা ৩০ ছেপ্তেম্বৰত ভাৰতীয় বজাৰত উপলব্ধ হ’ব বুলি জানিবলৈ দিছে।
কম্পেনিটোৰ এই নতুন বাহনখন দেখিবলৈ প্ৰায় এছ য়ু ভিৰ দৰেই। সেয়ে বহুতে Maruti Suzuki S-Pressoক মিনি এছ য়ু ভি ৰূপেও আখ্যা দিছে।
মাৰুতি ছুজুকিৰ এই বাহনখনে Renault Kwid ক প্ৰত্যাহ্বান জনাবলৈ সক্ষম হ’ব বুলিও কম্পেনিৰ বিষয় ববীয়া তথা বিশেষজ্ঞ সকলে ধাৰণা কৰিছে।
S-Presso বাহনখনত সংস্থাপিত কৰা হৈছে BS-6 ইঞ্জিন। এনে ধৰণৰ ইঞ্জিন সংস্থাপিত কৰা মাৰুতি ছুজুকিৰ এইখনেই প্ৰথম বাহন।
ইফালে নতুনকৈ মুকলি হ’ব লগা এই বাহনখনৰ মূল্য ভাৰতীয় বজাৰত ৩.৭ লাখৰ পৰা ৪.৫ লাখৰ ভিতৰত হ’ব বুলি কম্পেনিয়ে জানিবলৈ দিছে।
আনহাতে গাড়ীখনত সুৰক্ষাৰ প্ৰতি লক্ষ্য ৰাখি ডুৱেল ফ্ৰণ্ট এয়াৰ বেগছ, এণ্টি ব্ৰেকিং চিষ্টেম আৰু ৰিয়েৰ পাৰ্কিং চেঞ্চৰ ব্যৱহাৰ কৰাৰো প্ৰৱল সম্ভাৱনা আছে।
নতুন ডিজাইন লগতে বহুকেইটা সুবিধা উপলদ্ধ এই বাহনখনক লৈ এতিয়া আশাবাদী মাৰুতি ছুজুকি।
