ভাৰতৰ কৃষকসকলৰ ওপৰত কেন্দ্ৰীয় চৰকাৰে যি দৰে শোষণ- লুণ্ঠন বঞ্চনা -প্ৰতাৰণা কৰাৰ যি চক্ৰান্ত কৰি তিনিখন কৈ জনবিৰোধী আইন জাপি দিছে ।
সেই আইনৰ বিৰুদ্ধে গণতান্ত্ৰিক ভাৱে আন্দোলন কৰা কৃষকৰ ওপৰত যি ধৰণৰ উংপীড়ন তথা আতিশয্য চলাইছে সেয়া গণতন্ত্ৰৰ বাবে মোক্ষম আঘাত আৰু চৰম গৰিহণাৰযোগ্য কথা।
যাৰ পৰিপ্ৰেক্ষিতত সমগ্ৰ ভাৰতবৰ্ষৰ লগতে অসমৰ কৃষকে ৰাজপথলৈ ওলাই আহি পৰিৱৰ্তনকামী চৰকাৰখনৰ বিৰুদ্ধে আন্দোলন,প্ৰতিবাদ কৰিবলৈ বাধ্য কৰিছে।
এইখন চৰকাৰৰ প্ৰতি ৰাইজৰ কোনো আস্থা বিশ্বাস নোহোৱা হৈছে ।একনায়কত্ব, ফেচীষ্ট শাসনৰ বিৰুদ্ধে সমগ্ৰ কৃষক সমাজ আজি জাগি উঠিছে,বিদ্ৰোহ কৰিবলৈ বাধ্য হৈছে ।
কৃষকৰ ওপৰত যি জাতিদ্ৰোহী আইন জাপি দিয়াৰ প্ৰতিবাদত ৰহা চক্ৰৰ চক্ৰ বিষয়া প্ৰিয়ংকা ডেকা বনিয়াৰ জৰিয়তে প্ৰধান মন্ত্ৰীলৈ এক স্মাৰক পত্ৰ প্ৰদান কৰে মানৱ অধিকাৰ সংগ্ৰাম সমিতিয়ে।
‘মাছৰ কেন্দ্ৰীয় সমিতিৰ ভাৰপ্ৰাপ্ত সচিব লক্ষ্মীপ্ৰসাদ ডেকাই ‘নৰ্থ ইষ্ট নাও’ লৈ প্ৰেৰণ কৰা এক বিবৃতিত এই কথা জানিবলৈ দিয়ে।
বিবৃতিত ভাৰপ্ৰাপ্ত সচিবগৰাকীয়ে লগতে উল্লেখ কৰে যে ,ৰহা আঞ্চলিক মানৱ অধিকাৰ সংগ্ৰাম সমিতি ,মাছৰ অধ্যক্ষ সঞ্জয় আমচি , ভাৰপ্ৰাপ্ত সচিব বুলবুল নাথ ,বিত্ত সচিব নৱ গাওঁখোৱা ,মাছৰ কৰ্মী মিঠুন পাটৰ সমন্বিতে মাছৰ সজাঁতি দ’লটোৱে
কৃষক বিৰোধী আইন বাতিল নকৰিলে পৰবৰ্তী সময়ত আন্দোলন তীব্ৰতৰ কৰাৰ পোষকতা কৰি আইনখন বাতিল কৰিবলৈ চৰকাৰক দাবী জনায়।
