যোৱা ২৩ মে’ত মেঘালয়ত হানিমুনত থকা অৱস্থাত সন্ধানহীন হৈছিল ৰাজা আৰু সোণম ৰঘুবংশী। দীঘলীয়া তালাচীৰ অন্তত ২ জুনত ৰাজাৰ মৃতদেহ উদ্ধাৰ হয় যদিও তদন্তকাৰী বিষয়াই ক’তো সোণমক বিচাৰি নাপালে। ড্ৰোন, স্নিফাৰ ডগ, চিচিটিভি ফুটেজ পৰীক্ষা – কতোৱেই মিলা নাছিল যুৱতীগৰাকীৰ সন্ধান।
বৰষুণত খাৱৈত ডুব যোৱাৰ পৰা আৰম্ভ কৰি সৰবৰাহলৈকে একাধিক সম্ভাৱনা চৰ্চালৈ আহিল। ডকাইতিৰ সময়ত হত্যাৰ বিষয়টোও বাদ নপৰিল। মেঘালয় পৰ্যটনক লৈও প্ৰশ্ন উত্থাপন হ’ল। কিন্তু সকলো জল্পনা-কল্পনা আৰু সন্দেহ মিছা বুলি প্ৰমাণ কৰি স্বামীক হত্যা কৰাৰ অপৰাধত এতিয়া আৰক্ষীৰ জালত অন্তৰ্ধান হোৱা সোণম ৰঘুবংশী। অভিযোগ মতে, তেওঁৱেই ৰাজাক হত্যাৰ ষড়যন্ত্ৰ ৰচনা কৰিছিল।
মেঘালয় আৰক্ষীৰ ডিজি ইদাশীষা নোংৰাঙে জনোৱা মতে, এই গোচৰত সোণমকে ধৰি মুঠ চাৰিজন লোকক গ্ৰেপ্তাৰ কৰা হৈছে। তদন্তকাৰীয়ে দাবী কৰিছে যে হানিমুনত থকা অৱস্থাত এজন পেছাদাৰী হত্যাকাৰীক নিযুক্তি দি স্বামীক হত্যা কৰাৰ ষড়যন্ত্ৰ ৰচনা কৰিছিল সোণমে।
কিছুদিন আগতে ৰাজা আৰু সোণমৰ বিয়া হৈছিল। মে’ মাহত হানিমুনৰ বাবে মেঘালয়লৈ আহিছিল। তাতে বিভিন্ন পৰ্যটন ক্ষেত্ৰ পৰিদৰ্শন কৰে। যোৱা ২৩ মে’ত শেষবাৰৰ বাবে দেখা গৈছিল শ্বিলঙৰ সমীপৰ চোহৰা (চেৰাপুঞ্জী) অঞ্চলত। তেতিয়াৰ পৰাই দুয়োজন সন্ধানহীন হৈ আছিল।
নিৰুদ্দেশ হোৱা ডায়েৰীৰ আধাৰত মেঘালয় আৰক্ষীয়ে ৰাজ্যজুৰি তালাচী আৰম্ভ কৰে। অৱশেষত ২ জুনত ২৮ বছৰীয়া ৰাজাৰ মৃতদেহ এটা দ খাৱৈৰ পৰা উদ্ধাৰ কৰা হয়। পিছত তেওঁলোকে ভাড়াত লোৱা স্কুটিখন ছ’হৰিম অঞ্চলৰ পাৰ্কিং লটত পৰিত্যক্ত অৱস্থাত উদ্ধাৰ হয়। স্কুটাৰখনৰ চাবি তেতিয়াও সংলগ্ন হৈ আছিল।
তদন্তৰ সময়ত স্থানীয় এজন পৰ্যটক গাইডে আৰক্ষীক জনোৱা মতে, নিৰুদ্দেশৰ দিনটোত ৰাজা আৰু সোণমক আন তিনিজন লোকৰ সৈতে দেখা গৈছিল। এই উৎসৰ ভিত্তিত অধিক তদন্ত আৰম্ভ হ’ল।
তাৰপিছতে পোহৰলৈ আহিল চাঞ্চল্যকৰ তথ্য। পুলিচে গম পালে যে সোণমে নিজেই হত্যাকাৰীক ভাড়াত লৈছিল। আন তিনিজন ধৃত লোকৰ সৈতেও সংস্পৰ্শত আছিল। এই চাৰিওজনে মিলি এই নৃশংস হত্যাকাণ্ডৰ পৰিকল্পনা কৰিছিল।
এই ঘটনাই সমগ্ৰ মেঘালয়ত বিয়পি পৰিছে উত্তেজনা। সোণমে কিয় এই ষড়যন্ত্ৰ ৰচনা কৰিছিল তাৰ তদন্ত অব্যাহত ৰাখিছে আৰক্ষীয়ে। এই গোচৰত ব্যক্তিগত বিবাদ, আৰ্থিক কাৰণ বা আন কোনো উদ্দেশ্য আছে নেকি তাৰো তদন্ত চলি আছে।
এই খবৰ পোৱাৰ পিছত ৰাজা ৰঘুবংশীৰ পৰিয়ালটো স্বাভাৱিকতে স্তম্ভিত হৈ পৰিছে। দোষীক কঠোৰ শাস্তি প্ৰদানৰ দাবী জনাইছে। আৰক্ষীৰ মতে তদন্তৰ সময়ত আৰু অধিক বিস্ফোৰক তথ্য পোহৰলৈ অহাৰ সম্ভাৱনা আছে।
