“আজাদি কা অমৃত মহোৎসৱৰ” লগত সংগতি ৰাখি আঞ্চলিক বতৰ বিজ্ঞান কেন্দ্র গুৱাহাটীৰ মেট ৰিক্ৰিয়েচন ক্লাবে সু-স্বাস্থ্যৰ লগতে অনক্যৰ মাজত ঐক্যৰ প্রতি সজাগতা বৃদ্ধি কৰিবলৈ দেওবাৰে কাৰ্যলয়ৰ বৰ্তমানৰ আৰু অৱসৰপ্রাপ্ত কৰ্মচাৰী তথা পৰিয়ালবৰ্গৰ মাজত এখন মাৰাথন দৌৰ প্রতিযোগিতা আয়োজন কৰে I
দৌৰ প্ৰতিযোগিতাৰ প্রাক মুহূৰ্তত শেহতীয়াকৈ হেলিকপ্টাৰ দুৰ্ঘটনাত নিহত ভাৰতৰ তিনিওটা সেনাৰ মূৰব্বী প্রয়াত বিপিন ৰাৱট আৰু অন্য বীৰ শ্বহীদ কেইজনলৈ শ্ৰদ্ধাঞ্জলি জনোৱা হয় I
বতৰ বিজ্ঞান কেন্দ্রৰ মুৰব্বী কে. এন. মোহনে সমূহ কৰ্মচাৰী তথা পৰিয়ালবৰ্গৰ সু-স্বাস্থ্যৰ লগতে এক দৃষ্টান্তমূলক একতাৰ প্রত্যাশাৰে বগা পতাকা জোকাৰি মাৰাথন দৌৰ প্ৰতিযোগিতাৰ শুভাৰাম্ভ কৰে I
প্রতিযোগিতাত ড০ হিমাদ্ৰী বৈশ্য, চোনো কুমাৰ আৰু দেৱজিৎ গগৈয়ে যথাক্ৰমে প্রথম, দ্বিতীয় আৰু তৃতীয় স্থান অধিকাৰ কৰে I
অনুষ্ঠানটোত ভাগলৈ শোভাবৰ্ধন কৰা বাবে প্রতিজন অৱসৰপ্রাপ্ত কৰ্মচাৰীক একোখন ফুলাম গামোচাৰে সম্বৰ্ধনা জনোৱা হয়।
