ভাৰতৰ ম’বাইল ফোন ব্যৱহাৰকাৰীসকলে বিশ্বৰ ভিতৰতে আটাইতকৈ কম মূল্যত ডেটা ব্যৱহাৰ কৰি আহিছে।
কিন্তু, অতি সোনকালে সেই দিন উকলিব পাৰে।
কাৰণ, টেলিকম অপাৰেটৰসকলে ট্ৰাই (Telecom Regulatory Authority of India)ক দাবী কৰা ফ্লৰ প্ৰাইচ (ন্যূনতম দাম)।
বৰ্তমান ভাৰতীয় ম’বাইল ব্যৱহাৰকাৰীসকলে দিনে ১জিবি ডেটা ন্যূনতম ৩.৫ টকাত ব্যৱহাৰ কৰি আছে।
কিন্তু, অপাৰেটৰসকলে এই দাম ৫ৰ পৰা ১০ শতাংশ বৃদ্ধিৰ বাবে দাবী উত্থাপন কৰিছে।
ঋণত পোত যোৱা ভদাফোন-আইডিয়াই এই দাম প্ৰতি জিবিত ৩৫ টকা কৰাৰ দাবী জনাইছে।
একেদৰে ভাৰতী এয়াৰটেল আৰু জিঅ’য়ো এই দাম প্ৰতি জিবিত ক্ৰমে ৩০ আৰু ২০ টকা কৰাৰ দাবী জনাইছে।
জিঅ’ই পৰ্য্যায়ক্ৰমে এই দাম বৃদ্ধিৰ পোষকতা কৰিছে।
এতিয়াৰ ৫৯৯ টকাত ২জিবিৰ ৮৪ দিন ভেলিডিটিৰ প্লেন এটা অপাৰেটৰসকলৰ পৰামৰ্শ মানিলে ৩৩৬০ৰ পৰা ৫৮৮০ টকা পৰ্য্যন্ত হ’ব পাৰে।
নিতি আয়োগৰ চি ই অ’ অমিতাভ কাণ্টে অপাৰেটৰসকলৰ সমৰ্থনত থিয় দিছে।
বৰ্তমান অপাৰেটৰসকলে নিজাববীয়াকৈ দাম নিৰ্ধাৰণ কৰি আহিছে।
কিন্তু, ভাৰতৰ প্ৰতিযোগিতা আয়োগে (Competition Commission of India) ফ্লৰ প্ৰাইচ নিৰ্ধাৰণ এক দমনমূলক পদক্ষেপ হ’ব পাৰে।
বজাৰৰ প্ৰতিযোগিতাতো ই ঋণাত্মক প্ৰভাৱ পেলাব বুলি আয়োগে আশংকা প্ৰকাশ কৰিছে।
