তুৰাৰ সাংসদ আগাথা চাংমাক নৰেন্দ্ৰ মোদী-নেতৃত্বাধীন চৰকাৰৰ ৰাজ্যিক মন্ত্ৰী হিচাপে অন্তৰ্ভুক্ত কৰাৰ সম্ভাৱনা আছে।
নতুন বছৰত মন্ত্ৰী পৰিষদৰ প্ৰথমখন বৈঠক নতুন দিল্লীৰ প্ৰবাসী ভাৰতীয় ভৱনত অহা ৩ জানুৱাৰিৰ সন্ধিয়া ৫.৩০ বজাৰ পৰা আৰম্ভ হ’ব।
বৈঠকখনে তাৎপৰ্য্য বহন কৰিছে কাৰণ মোদী চৰকাৰৰ দ্বিতীয়টো কাৰ্য্যকালৰ প্ৰথমটো কেবিনেট সম্প্ৰসাৰণ সম্পৰ্কীয় গুৰুত্বপূৰ্ণ সিদ্ধান্ত ইয়াত লোৱাৰ সম্ভাৱনা আছে।
কেবিনেট সম্প্ৰসাৰণ সম্পৰ্কীয় অনুমানে যোৱা কিছুদিন ধৰি চৰ্চা লাভ কৰি আহিছে।
বাতৰিমতে, জানুৱাৰিৰ শেষ সপ্তাহত প্ৰথমটো কেবিনেট সম্প্ৰসাৰণৰ সম্ভাৱনা আছে।
চলিত অপবিত্ৰ সময়ৰ বাবে কেবিনেট সম্প্ৰসাৰণৰ ঘোষণাত পলম হৈছে।
ডিচেম্বৰৰ ১৪ তাৰিখৰ পৰা আৰম্ভ হোৱা এই অপবিত্ৰ সময়চোৱাৰ অহা ১৪ জানুৱাৰিত অৱসান ঘটিব।
যোৱা ২১ ডিচেম্বৰত নতুনকৈ মুকলি কৰা গুজৰাট ভৱনত প্ৰধান মন্ত্ৰী নৰেন্দ্ৰ মোদীয়ে মন্ত্ৰী পৰিষদৰ অন্তিম বৈঠক অনুষ্ঠিত কৰিছিল।
নতুন দিল্লীত ক্ষমতাৰ কৰিদৰৰ সৈতে ঘনিষ্ঠ সূত্ৰই নৰ্থইষ্ট নাওক বুধবাৰে জনোৱামতে আগাথা কে চাংমাক উত্তৰ-পূবৰ পৰা তৃতীয়গৰাকী মন্ত্ৰীৰূপে অন্তৰ্ভুক্ত কৰা হ’ব পাৰে।
মোদী চৰকাৰত বৰ্তমান থকা মন্ত্ৰী দুজন হৈছে—কিৰেন ৰিজিজু আৰু ৰামেশ্বৰ তেলী।
ৰিজিজু ক্ৰীড়া আৰু যুৱ পৰিক্ৰমাৰ ৰাজ্যিক মন্ত্ৰী, তেলী খাদ্য সংসাধনৰ কনিষ্ঠ মন্ত্ৰী।
আগাথা চাংমা ১৭ সংখ্যক লোক সভালৈ নিৰ্বাচিত উত্তৰ-পূবৰ কনিষ্ঠতম প্ৰাৰ্থী আৰু নিশ্চয়কৈ তেওঁ মোদী ২.০ চৰকাৰৰ প্ৰাৰ্থী হোৱাৰ বাবে আটাইতকৈ যোগ্য প্ৰাৰ্থী।
লোক সভাৰ প্ৰাক্তন অধ্যক্ষ পূৰ্ণ আগিত’ক চাংমাৰ কনিষ্ঠা কন্যাগৰাকীয়ে তুৰা সমষ্টিত মেঘালয়ৰ প্ৰাক্তন মুখ্য মন্ত্ৰী মুকুল চাংমাক ১,১৫,২৩৪টা ভোটৰ ব্যৱধানত পৰাজিত কৰিছিল।
১৯৮০ চনৰ ২৪ জুলাইত জন্ম গ্ৰহণ কৰা আগাথা স্মাৰ্ট, শিক্ষিতা, আৰু লোকপ্ৰিয়।
তেওঁ পুনে বিশ্ববিদ্যালয়ৰ পৰা আইনৰ ডিগ্ৰী লোৱাৰ পিছত দিল্লী উচ্চ ন্যায়ালয়ৰ বাৰত যোগ দিছিল। পিছত তেওঁ পৰিৱেশ ব্যৱস্থাপনা বিষয়ত ইউ কেৰ ইউনিভাৰ্ছিটি অৱ নটিংহামৰ পৰা স্নাতকোত্তৰ ডিগ্ৰী লৈছিল।
নিজৰ ৰাজনৈতিক ঐতিহ্য, শিক্ষা আৰু স্মাৰ্টনেছৰ উপৰি তেওঁ হৈছে এন ডি এৰ পৰা নিৰ্বাচিত উত্তৰ-পূবৰ দ্বিতীয়গৰাকী সাংসদ (বিজেপিৰ কিৰেন ৰিজিজুৰ বাহিৰে) যাৰ কেন্দ্ৰীয় চৰকাৰত মন্ত্ৰী হিচাপে কাম কৰাৰ অভিজ্ঞতা আছে।
আগাথা এইবাৰ তৃতীয় বাৰলৈ লোক সভাৰ সাংসদ হৈছে। দেউতাক পি এ চাংমা মেঘালয়ৰ ৰাজ্যিক ৰাজনীতিলৈ ঘূৰি অহাৰ বাবে আসনখন ত্যাগ কৰাৰ পিছত ২০০৮ চনত তেওঁ প্ৰথমবাৰৰ বাবে উপ নিৰ্বাচনযোগে ১৪সংখ্যক লোক সভালৈ নিৰ্বাচিত হৈছিল।
নেচনেলিষ্ট কংগ্ৰেছ পাৰ্টিৰ সাংসদ হিচাপে ১৫সংখ্যক লোক সভালৈ তেওঁ পুনৰ নিৰ্বাচিত হৈছিল আৰু মনমোহন সিং-নেতৃত্বাধীন ইউ পি এ ২ চৰকাৰৰ সৰ্বকনিষ্ঠা মন্ত্ৰী (২৯ বছৰ) আছিল।
গ্ৰাম্য উন্নয়নৰ ৰাজ্যিক মন্ত্ৰী হিচাপে আগাথাই উত্তৰ-পূবৰ গাওঁসমূহক সৰ্বাধিক অগ্ৰাধিকাৰ দিছিল যাতে এই অঞ্চলসমূহে বিকাশৰ পোহৰ দেখা পাব পাৰে।
দুৰ্ভাগ্যজনকভাৱে, ৰাজনৈতিক সমীকৰণৰ পৰিৱৰ্তনৰ ফলত ইউ পি এ ২ চৰকাৰৰ পৰা ২০১২ চনৰ অক্তোবৰত পদত্যাগ কৰিব লগা হোৱাত আগাথাৰ উত্তৰ-পূব বিকাশৰ কিছু সপোন অপূৰ্ণ হৈ ৰৈছিল।
তুৰাৰ তৰুণী সাংসদগৰাকীৰ মেঘালয় বিধান সভাৰ সদস্য হিচাপে কাম কৰাৰ অভিজ্ঞতাও আছে।
সম্ভ্ৰান্ত দক্ষিণ তুৰা সমষ্টিৰ পৰা তেওঁ এন পি পি প্ৰাৰ্থী হিচাপে প্ৰতিদ্বন্দ্বিতা কৰি বিজয়ী হৈছিল।
মেঘালয় বিধান সভাত তেওঁ আছিল এন পি পিৰ চ্চিফ হুইপ। কিন্তু, ককায়েক কনৰাদ চাংমাই উপ নিৰ্বাচন খেলাৰ বাবে আগাথাই নিজ সমষ্টি এৰি দিব লগা হৈছিল।
আগাথাৰ শিৰত দুই ককায়েক ৰাজনীতিক- জেমছ আৰু কনৰাদৰ আশীৰ্বাদ আছে যদিও তেওঁ ৰাইজৰ কাম কৰাৰ বাবে সদায় দেউতাকৰ পৰা প্ৰেৰণা লৈ আহিছে।
যোৱা ২১ নৱেম্বৰত আগাথা বিবাহপাশত আবদ্ধ হৈছিল।
মন্ত্ৰিত্বৰ বিষয়টো সন্দৰ্ভত মন্তব্য গ্ৰহণৰ বাবে তেওঁৰ সৈতে যোগাযোগ কৰিব পৰা হোৱা নাই।
