উত্তৰ প্ৰদেশৰ শ্বপিং মলত বান্দৰৰ দপদপনি : মহিলাক মাৰধৰ বান্দৰৰ, টানি নিলে জোতা আৰু বেগ

উত্তৰ প্ৰদেশৰ এটা শ্বপিং মলত সংঘটিত হৈছে এক চাঞ্চল্যকৰ ঘটনা। এটা বান্দৰে ঘমঘন্ট লগালে শ্বপিং মলত। ইতিমধ্যে ভাইৰেল হৈ পৰিছে ঘটনাৰ ভিডিঅ’।

শ্বপিং মলটোলৈ বজাৰ কৰিবলৈ গৈছিল এগৰাকী মহিলা। কিন্তু হঠাৎ এটা বান্দৰে আহি মহিলাগৰাকীক আক্ৰমণ কৰে। মহিলাগৰাকীক চৰ মৰাৰ লগতে আচুৰি দিয়ে বান্দেটোৱে। বান্দৰৰ আক্ৰমণত আঘাতপ্ৰাপ্ত হয় মহিলাগৰাকী। এই ঘটনা সংঘটিত হৈছে উত্তৰ প্ৰদেশৰ ঝান্সীৰ এটা শ্বপিং মলত।

বান্দৰটোৱে প্ৰথমতে এজন ব্যক্তিৰ কান্ধত উঠে তাৰপিছত নামি গৈ হঠাতে এগৰাকী মহিলাক আক্ৰমণ কৰে। ভয়তে মহিলাগৰাকীয়ে নিজৰ মুখখন ঢাকি ধৰে। তেতিয়া বান্দৰটোৱে মহিাগৰাকীৰ ডিঙিত নহি লয়। চুলি টানেম আঁচুৰে, চৰিয়াই। তাৰ পাছত মহিলাগৰাকীৰ জোতাযোৰ ফালি পেলালে।

কিছু লোকে বান্দৰটোক আঁতৰাবলৈ চেষ্টা কৰে। কলৰ লোভ দেখুৱায়। কেইমুহূৰ্তৰ বান্দৰটোৱে মহিলাগৰাকীক এৰি দিয়ে যদিও আকৌ মহিলাগৰাকীৰ ডিঙিত বহি লয়।

অৱশ্যে শ্বপিং মলৰ ভিতৰৰ পৰা বান্দৰটো ক’ৰ পৰা আহিল সেয়া জানিব পৰা হোৱা নাই।