সম্পত্তিৰ স্বাৰ্থত মাতৃক নৃশংসভাৱে প্ৰহাৰ কৰাৰ অভিযোগ উত্থাপন হৈছে এগৰাকী কন্যাৰ বিৰুদ্ধে। ছচিয়েল মিডিয়াত ভাইৰেল হৈছে এই ঘটনাৰ এটা ভিডিঅ’ ফুটেজ। ভিডিঅ’টোত অভিযুক্ত কিশোৰীগৰাকীয়ে মাতৃক কামোৰা আৰু চুলি টানি প্ৰহাৰ কৰা দেখা গৈছে।
আনকি তেওঁক ‘মাকৰ তেজ খাব’ বুলি ভাবুকি দিয়াও দেখা যায়। এই ঘটনাৰ অভিযুক্ত ছোৱালীজনীৰ বিৰুদ্ধে আৰক্ষীয়ে গোচৰ ৰুজু কৰিছে। এই চাঞ্চল্যকৰ ঘটনা সংঘটিত হৈছিল হাৰিয়ানাত।
সংবাদ মাধ্যমে জনোৱা মতে, ছ’চিয়েল মিডিয়াত ভাইৰেল হৈছে এক হৃদয় বিদাৰক ভিডিঅ’, য’ত হাৰিয়ানাৰ হিছাৰৰ এগৰাকী ছোৱালীয়ে মাতৃক কামোৰা দেখা গৈছে। আনকি নিৰ্যাতনৰ সময়তো তেওঁ “তেজ খোৱাৰ” ভাবুকি দিয়াৰ লগতে চুলি টানি চৰ মাৰি থকা দেখা যায়।
ইফালে ভিডিঅ’ ভাইৰেল হোৱাৰ পাছত অভিযুক্ত কিশোৰীগৰাকীৰ ভাতৃয়ে আৰক্ষীক এজাহাৰ দাখিল কৰে। তাতে তেওঁ কয় যে তেওঁৰ ভনীয়েকে তেওঁলোকৰ মাকক কাৰাগাৰত ভৰাই থৈছে আৰু তেওঁৰ (মাক) সম্পত্তি তেওঁৰ (কন্যাৰ) নামলৈ হস্তান্তৰ কৰিবলৈ মানসিক আৰু শাৰীৰিকভাৱে হাৰাশাস্তি কৰি আছে। পাছত আৰক্ষীয়ে যুৱতীগৰাকীৰ বিৰুদ্ধে গোচৰ ৰুজু কৰে।
সংবাদ মাধ্যমৰ খবৰ অনুসৰি হাৰিয়ানাৰ হিছাৰ জিলাৰ আজাদনগৰ অঞ্চলত সংঘটিত হৈছে এই ঘটনা। নাম নিৰ্মলা দেৱী। অভিযোগ উত্থাপন হৈছে যে তেওঁৰ কন্যা ৰীতাই নিজৰ নামত মাকৰ সম্পত্তি পঞ্জীয়ন কৰিব বিচাৰিছে। যেতিয়া মাকে মান্তি হ’বলৈ অস্বীকাৰ কৰিলে, তেতিয়া মাকক অত্যাচাৰ কৰা হ’ল।
যুৱতীগৰাকীৰ ভাতৃয়ে আৰক্ষীক জনোৱা মতে, তেওঁৰ ভগ্নীয়ে দিনক দিনে তেওঁলোকৰ মাতৃক শাৰীৰিক আৰু মানসিকভাৱে অত্যাচাৰ চলাই আছে। ঘৰৰ পৰাও খেদি পঠিওৱা হৈছিল। এই ঘটনাত ভগ্নীৰ শাস্তি আৰু মাতৃৰ সুৰক্ষা বিচাৰি আৰক্ষীৰ কাষ চাপিছিল যুৱকজন।
এই ভাইৰেল ভিডিঅ’টোত পুৰুষৰ কণ্ঠও শুনা গৈছে। অৱশ্যে তাত কোনো তৃতীয় ব্যক্তি দেখা পোৱা নগ’ল।
